BYD

လမ်းကြမ်းမောင်း BYD Fang Cheng Bao Bao 5 ဈေးစဖွင့် ကြိုတင်အမှာစာ စတင်လက်ခံ

BYD | 26 August, 2023

လမ်းကြမ်းမောင်း BYD Fang Cheng Bao Bao 5 ဈေးစဖွင့် ကြိုတင်အမှာစာ စတင်လက်ခံ

To Get Instant Update
https://t.me/Guid4U
JOIN THE CHANNEL

ဩဂုတ်လ 25 ရက်နေ့တွင် Fang Cheng Bao သည် ၎င်း၏ ပထမဆုံးကားကို ဈေးစဖွင့်ပြီး ကြိုတင်မှာကြားသူများကို စတင် ရောင်းချခဲ့သည်။ Bao 5 ( 豹5) (အင်္ဂလိပ်အမည် Leopard 5 ) မော်ဒယ်သည် ပလပ်ထိုး အားသွင်း ဘက်ထရီ အင်ဂျင် နှစ်မျိုးစပ် ဟိုက်ဘရစ် အကြမ်းခံ လမ်းကြမ်းမောင်း SUV ဖြစ်ပြီး ဈေးနှုန်းမှာ ယွမ် ၃သိန်း - ၄ သိန်း (41,200 – 54,900 USD) ဖြစ်ပါသည်။
ကြိုတင်အမှာစာ တင်လို့ပါက ယမ် ၁,၀၀၀ စရန်သတ်ရမည် ဖြစ်ပြီး ကားဖိုး ငွေအပြည့်ချေသည့်အခါ စရန်ငွေ ၁,၀၀၀ ကို ၃,၀၀၀ ဟု တွက်ချက်ပေးမည် ဖြစ်သည်။

Fang Cheng Bao သည် BYD ၏ တတိယမြောက် အမှတ်တံဆိပ် တစ်ခု ဖြစ်သည်။ ယခင်က Denza နှင့် Yangwang အမှတ်တံဆိပ်များကို စတင်သုံးစွဲခဲ့သည်။
Fang Cheng Bao သည် Denza နှင့် Yangwang ကြား အလယ်အလတ် ပရီမီယံအမှတ်တံဆိပ်တစ်ခုအဖြစ် နေရာယူထားပါသည်။
သို့ဖြစ်ရာ Bao 5 ဈေးနှုန်းသည် Denza ထက် များပြီး Yangwang ထက် နည်းမည်ဟု ခန့်မှန်းခဲ့ကြပါသည်။ ယွမ် ၄ သိန်း- ၆ သိန်း အတွင်း ရှိမည်ဟု ခန့်မှန်းခဲ့ကြသည်။ ယခု ဈေးဖွင့်သောအခါ ဈေးအနိမ့်ဆုံး ဗားရှင်းသည်ယွမ် ၃ သိန်း ဖြင့် စတင်ပါသည်။ Denza နှင့် ဈေးအတန်းအစား တူနေပါသည်။ Denza အမှတ်တံဆိပ်သည် ပရီမီယံ မြို့တွင်းစီး crossover အဖြစ် ရပ်တည်ထားပြီး Fang Cheng Bao က တကယ့် off-road SUV အဖြစ် ရပ်တည်ပါသည်။

Bao 5 သည် Fang Cheng Bao ၏ ပထမဆုံး မော်ဒယ် ဖြစ်ပြီး နောက်ထပ် မော်ဒယ် ၂ ခု ထပ်ထုတ်ရန် စီစဉ်ထားသည်။ မော်ဒယ်တစ်ခုမှာ အရွယ်အစား အကြီးစား SUV ဖြစ်သည့် Super 8 ဖြစ်သည်။ ကျန်မော်ဒယ်မှာ Bao 3 ဖြစ်ပြီး အချက်အလက်များ အသိပေးခြင်း မရှိသေးပါ။
ယခင်က မီဒီယာတို့က တရုတ်အမည်ကို ဘာသာပြန်ဆိုပြီး Leopard 5 ဟု သုံးနှုန်းခဲ့ကြပါသည်။

ယခုအခါ BYD နိုင်ငံတကာအမည်မှာ Leopard 5 မဟုတ်ဘဲ Bao 5 ဟု ခေါ်ဝေါ်မည်ဖြစ်ကြောင်း ကြေညာခဲ့ပါသည်။

BYD ဖော်မြုလာကျားသစ် ပထမဆုံး အရောင်းပြခန်း ဖွင့်လှစ်ရန် အသင့်ဖြစ်
https://www.automobiledirectory.com.mm/article/byd-formula-leopard.html

Bao 5 သည် BYD ၏ ပလက်ဖောင်းအသစ် ဖြစ်သော DMO ပလက်ဖောင်းပေါ်တွင် တည်ဆောက်ထားပါသည်။

Bao 5 သည် ဗိုက်အမြင့် 310 mm ရှိပါသည်။ ဒီဇိုင်းကို ယခင်က ဂျာမန်ကားလုပ်ငန်း Audi တွင် လုပ်ကိုင်ခဲ့ဖူးသူ ဖြစ်ပြီး ယခုအခါ BYD ၏ ကမ္ဘာလုံးဆိုင်ရာ ဒီဇိုင်း ဒါရိုက်တာ ဖြစ်သူ Wolfgang Joseph Egger က ဒီဇိုင်း ထုတ်ပေးထားပါသည်။
ဆီစားနှုန်းမှာ 7.8L/100 km ဖြစ်ပါသည်။ ဘက်ထရီ အားအပြည့်၊ ဆီတိုင်ကီတွင် ဆီအပြည့် ဆိုပါက ခရီးတာ ၁၂၀၀ ကီလိုမီတာအထိ သွားနိုင်မည် ဖြစ်ပါသည်။
နောက်တွဲ ချိတ်ပြီးဆွဲမည် ဆိုပါက ၂ တန်ခွဲ အလေးချိန်အထိ ဆွဲနိုင်ပါသည်။

4WD SUV ဖြစ်ပြီး လျှပ်စစ်မော်တာနှစ်လုံး တပ်ဆင်ပေးထားသည်။ မော်တာနှစ်လုံးနှင့် အင်ဂျင်တို့ စုစုပေါင်း ပါဝါ 500 KW (680 HP) အထိ ထုတ်ပေးနိုင်သည်။
အင်ဂျင်မှာ BYD Seal DM-i. တွင် သုံးစွဲသည့် 1.5L Xiaoyun ICE ဖြစ်ပါသည်။
0-100 km/h ကို ၄.၈ စက္ကန့်ဖြင့် အရှိန်တင်ပေးနိုင်ပါသည်။

ယာဉ်အတွင်းမှာ ပြင်သစ်မှ အထက်တန်းစား အသံပစ္စည်း ထုတ်လုပ်သူ Devialet. ၏ ၁၈ လက်မ မော်တော်ယာဉ်သုံး စပီကာများ အသုံးပြုထားပါသည်။