XPRES T EV အမှာစာ စီးရေ ၁၀,၀၀၀ အမှာစာ Tata Motors ထပ်မံရရှိ

XPRES T EV အမှာစာ စီးရေ ၁၀,၀၀၀ အမှာစာ Tata Motors ထပ်မံရရှိ

အီးဗီစီးရေ တစ်သောင်းကို အမှာစာ လက်ခံရရှိခြင်းသည် အိန္ဒိယ အီးဗီကားဈေးကွက်တွင် ပထမဆုံးအကြိမ်ဖြစ်ပြီး စံချိန်သစ်အဖြစ် မှတ်တမ်းဝင်သည်။

အိန္ဒိယနိုင်ငံရဲ့ အကြီးမားဆုံး လျှပ်စစ်မော်တော်ယာဉ် ထုတ်လုပ်ရေးလုပ်ငန်း Tata Motors  က ကြေညာချက် ထုတ်ပြန်ခဲ့ရာမှာ BluSmart Electric Mobility  က  Tata Motors  မှ ထုတ်လုပ်တဲ့ Xpres T EVs  စီးရေ ၁၀,၀၀၀ ဝယ်ယူဖို့  Tata Motors နှင့်  BluSmart Electric Mobility တို့ ကမ္ဘာ့ပတ်ဝန်းကျင်နေ့ World Environment Day အထိမ်းအမှတ်ပွဲမှာ အရောင်းအဝယ်စာချုပ် လက်မှတ်ရေးထိုးခဲ့ကြတယ်။
ယခင်တစ်ကြိမ်က  Xpres T EV  စီးရေ ၃,၅၀၀ ကို မှာကြားခဲ့ပြီး ယမန်နှစ် အောက်တိုဘာလက Tata Motors နှင့်  BluSmart Electric Mobility တို့ အရောင်းအဝယ်စာချုပ် လက်မှတ်ရေးထိုးခဲ့ကြပါတယ်။ ယခု စီးရေ တစ်သောင်းက ဒုတိယအသုတ် မှာကြားတာ ဖြစ်ပါတယ်။ 

Tata XPres T  က Tata Tigor မော်ဒယ်ကို လုပ်ငန်းသုံးယာဉ်အဖြစ် ထုတ်လုပ်ထားတာ ဖြစ်ပါတယ်။ 

Tata Motors က ကားအများအပြားဖြင့် လုပ်ကိုင်ရတဲ့ လုပ်ငန်းများအတွက် Xpres  brand ကို သီးသန့် ထုတ်လုပ်တာ ဖြစ်ပါတယ်။ ယမန်နှစ် ဇူလိုင်လမှာ Xpres  စတင်ထုတ်လုပ်ခဲ့ပြီး XPRES-T EV  က အဦးဆုံးမော်ဒယ် ဖြစ်ပါတယ်။ 
XPRES-T  က လျှပ်စစ်မော်တော်ယာဉ် ဖြစ်ပြီး ခရီးတာ ၂ မျိုးဖြင့် ထုတ်လုပ်ပါတယ်။ 213km နှင့် 165km  တို့ ဖြစ်ပါတယ်။  213km  အတွက် 21.5 kWh ဘက်ထရီကို လည်းကောင်း၊ 165km  အတွက်  16.5 kWh  ဘက်ထရီကို လည်းကောင်း တပ်ဆင်ပေးထားပါတယ်။  ဘက်ထရီအားသွင်းတာ  0% မှ 80%  သို့   21.5 kWh ဘက်ထရီကို မိနစ် ၉၀ ဖြင့်လည်းကောင်း၊ 16.5 kWh  ဘက်ထရီကို ၁၁၀ မိနစ်ဖြင့်လည်း အားသွင်းပါတယ်။  မည်သည့် 15 A plug point နှင့်မဆို အားသွင်းနိုင်ပါတယ်။ အမြန်အားသွင်းစနစ် အသုံးပြုနိုင်အောင်လည်း စီစဉ်ပေးထားပါတယ်။ 
ဂီယာတစ်ချက်၊ လေအိတ် ၂ လုံး၊ ABS with EBD  တို့ မော်ဒယ်တိုင်းမှာ ပါဝင်ပါတယ်။  ကားအတွင်းပိုင်း  Electric Blue  ရောင်ဖြာလင်းနေပါတယ်။ ယာဉ်အတွင်း အပူချိန်ကို အလိုအလျောက် ညှိထိန်းပေးပါတယ်။ 

အိန္ဒိယ အီးဗီဈေးကွက် အပိုင်းအကန့်မှာ Tata Motors က ဈေးကွက်ဝေစု ၈၇% ရရှိထားပါတယ်။ ၂၀၂၂ ဘဏ္ဍာရေးနှစ်မှာ Tata EV ကို တစ်ဦးချင်း အဝယ်နှင့် အသုတ်လိုက် ကုမ္ပဏီအဝယ် နှစ်မျိုး စုစုပေါင်း   စီးရေ ၂၅,၀၀၀ ရောင်းချဖို့ မျှော်မှန်းထားပါတယ်။

#MyanmarAutomobileGuide