တစ်ပတ်အတွင်းအရောင်းရဆုံးကားများနှင့်ကားဈေးကွက်အခြေအနေ

ားဈေးကွက်အခြေအနေသည်မူဝါဒထုတ်ပြန်မှုတို့အပေါ်မူတည်ပြီး အပြောင်းအလဲဖြစ်ပေါ်နေရာ ယခုတစ်ပတ်အတွင်းကုမ္ပဏီလိုင်စင်ဖြင့် တင်သွင်းသောလိုက်ထရပ်၊ ပစ်ကပ်များကိုတစ်လလျှင် တစ်စီးသာတင်သွင်းခွင့်ပြုမည်ဆိုသော်ကြောင့် အင်ဂျင်ပါဝါ ၆၆၀ စီစီကားလေးများ၏ ဈေးကွက်သည်ရုတ်တရက် အပြောင်းအလဲဖြစ်ပေါ်သွားခဲ့သည်။

ယခင်ကုမ္ပဏီပါမစ်ဖြင့်လုပ်ငန်းသုံးကားများဖြစ်သည့် လိုက်ထရပ်၊ ပစ်ကပ်များကိုပါမစ်တစ်ကြိမ်လျှောက်ပါက ၁၀ စီးခွင့်ပြုခဲ့ရာပါမစ်တစ်စောင်လျှင်တစ်စီးသာခွင့်ပြုခဲ့သည်။

ယခုအခါကုမ္ပဏီလိုင်စင်ဖြင့်လုပ်ငန်းသုံးယာဉ်တင်သွင်းမှုကိုလျှော့ချလိုသောကြောင့်တစ်လလျှင်ကားတစ်စီးသာ တင်သွင်းခွင့်ရမည်ဟုမူဝါဒကိုပြောင်းလဲချမှတ်လိုက်သည်။

ယင်းသို့ကုမ္ပဏီအမည်ပေါက်ဖြင့် ပစ်ကပ်တင်သွင်းမှုကိုထိန်းချုပ်လိုက်သောကြောင့်ကုမ္ပဏီအမည်ပေါက် ၆၆၀ စီစီမီနီထရပ်လေးများမှာရက်ပိုင်းအတွင်းကျပ်ခုနှစ်သိန်းမှ ၁၀ သိန်းဝန်းကျင်အထိဈေးမြင့်တက်သွားခဲ့သည်။

ပေါ်လစီအပေါ်မူတည်ပြီး ကားအရောင်းအဝယ်နှင့်ဈေးကွက်အခြေအနေတို့ပြောင်းလဲနေရာကုမ္ပဏီအမည် ပေါက်ပစ်ကပ်တင်သွင်းမှုကို ထိန်းချုပ်လိုက်သောကြောင့် အဝယ်အများစုမှာဈေးတက်တော့မည်အထင်ဖြင့် ယင်းကားလေးများကိုဝယ်ယူလာကြသောကြောင့် အင်ဂျင်ပါဝါ ၆၆၀ စီစီမီနီထရပ်များ၏ ဈေးကွက်သည် ပြန်လည်လှုပ်ခတ်လာခဲ့သည်။

လိုက်ထရပ်၊ပစ်ကပ်တင်သွင်းသည့်မူဝါဒအပြောင်းအလဲကြောင့်အင်ဂျင်ပါဝါ ၆၆၀ စီစီ မီနီထရပ်ပါမစ်ဈေးမှာကျပ်ငါးသိန်းကျော်မြင့်တက်သွားခဲ့သည်။

ယခုလပထမပတ်တွင် ၆၆၀ စီစီမီနီထရပ်ပါမစ်တစ်စောင်လျှင် ကျပ် ၁၈၀,၀၀၀ ဝန်းကျင်သာပေါက်ဈေးရှိခဲ့သော်လည်း မူဝါဒအပြောင်းအလဲဖြစ်ပေါ်ခဲ့ပြီး နောက်ပိုင်းတွင်ကျပ် ခုနှစ်သိန်းအထိဈေးမြင့်တက်သွားခဲ့သည်။

ဈေးကျလျှင်အဝယ်မရှိ၍ အရောင်းအဝယ်အေးပြီး ဈေးတက်မှအဝယ်လိုက်သည့်ကားဈေးကွက်သဘောအရ ယခုရက်ပိုင်းအတွင်း ၆၆၀ စီစီမီနီထရပ်များသိသိသာသာအဝယ်လိုက်နေကြောင်းသိရသည်။

 Source:Automobile Journal