Volvo S90

ယင်းကား၏အတွင်းခန်းတွင်ခေတ်မီနည်းပညာများစွာအသုံးပြုထားသော်လည်းအတွင်းခန်းတွင် ခလုတ်များစွာမရှိပဲ ကြီးမားသည့် Touch Screen မှထိန်းချုပ်နိုင်အောင်စီမံပေးထားပါသည်။

အင်ဂျင်အမျိုးအစားမှာ ဆလင်ဒါလေးလုံးထိုး 2.0LT5 ဓာတ်ဆီအင်ဂျင်ကို တပ်ဆင်အသုံးပြုထားပါသည်။

အင်ဂျင်တစ်မိနစ်လည်ပတ်အား 5500Rpm တွင်မြင်းကောင်ရေ ၂၅၄ ကောင်အားကိုထုတ်လုပ်ပေးနိုင်ပြီး ၆ ဒသမ ၈ စက္ကန့်အတွင်းမှာသုညကီလိုမှ ကီလိုတစ်ရာရောက်အောင်အရှိန်မြှင့်တင်နိုင်မည်ဖြစ်ပါသည်။

FWD ကားအမျိုးအစားဖြစ်ပြီး 8 speed Automatic Transmission ကိုအသုံးပြုထားပါသည်။

လုံခြုံရေးစနစ်အနေဖြင့်CitySafetyပါရှိသောကြောင့်တခြားကားနှင့်တိုက်မိသလိုဖြစ်ပါကရေဒါများမှချက်ချင်းသိရှိပြီးအလိုအလျောက်ဘရိတ်ဖမ်းပေးခြင်းသို့မဟုတ်အရှိန်လျှော့ပေးခြင်းမျိုးပြုလုပ်ပေးမည်ဖြစ်ပါသည်။

ထို့ပြင်အဆင့်မြင့်လုံခြုံရေးစနစ်များဖြစ်သည့် Blind Spot Detection, EBA, 360 camera,Intelligent Driver Information System,Hill Start Assist နှင့် Pyrotechnical Pretensioners စသောနည်းပညာများနှင့် စီးနင်းသူများကို အကောင်းဆုံးကာကွယ်ပေးထားပါသည်။

၂၀၁၇ မိုဒယ် S90 ၏ဈေးနှုန်းမှာအမေရိကန်ဒေါ်လာ ၁၂၅,၀၀၀ မှစတင်မည်ဖြစ်ပြီး ဝန်ဆောင်မှုအနေဖြင့် သုံးနှစ် သို့မဟုတ် ကီလိုတစ်သိန်းအာမခံနှင့် ရောင်းချပေးလျက်ရှိပါသည်။