ကမ္ဘာတစ်ဝှမ်းမှ အန္တရာယ်အများဆုံး လမ်းမများ

နှစ်ထောင်ပေါင်းများစွာကတည်းက လမ်းတွေဟာ ခရီးသွားရာမှာ ပိုမိုထိရောက်စေဖို့နဲ့ ဘေးအန္တရာယ်ကင်းရှင်းစေဖို့ ရည်ရွယ်ပြီး ဖောက်လုပ်ခဲ့ကြတာဖြစ်ပါတယ်။

ဒါပေမယ့် လမ်းတွေတိုင်းကတော့ ခရီးသည်တွေကို အခက်အခဲမရှိ လိုရာပို့ဆောင်ပေးနေတာ မဟုတ်ပါဘူး။ ရည်ရွယ်ရာဆီ ရောက်ရှိဖို့ ကြမ်းတမ်းခက်ခဲတဲ့ ခရီးတွေကို ဖြတ်သန်းရတဲ့လမ်းတွေလည်းတွေလည်း ရှိနေပါသေးတယ်။ အခုဖော်ပြပေးသွားမှာကတော့ ကမ္ဘာတစ်ဝှမ်းက အန္တရာယ်အများဆုံးလမ်းတွေပဲ ဖြစ်ပါတယ်။

(၁) North Yungas Road (ဘိုလီဗီယား)

ကမ္ဘာတစ်ဝှမ်း အန္တရာယ်အရှိဆုံးလမ်းအဖြစ် သတ်မှတ်ထားကြတဲ့ သေမင်းတမန်လမ်း ဒါမှမဟုတ် တောင်ပိုင်းယန်းဂတ်စ်လမ်းဟာ မတ်စောက်တဲ့ တောင်ကမ်းပါးရံအတိုင်း မောင်းနှင်ရတဲ့လမ်းဖြစ်ပါတယ်။ ဒီလမ်းပေါ်ဖြတ်သန်းသွားလာတဲ့ကားတွေဟာ တစ်စီးကိုတစ်စီး ကျော်တက်တဲ့အခါ မကြာခဏ တောင်ပေါ်ကနေ ပြုတ်ကျလေ့ရှိတာကြောင့် အန္တရာယ်အရှိဆုံးလမ်းတွေထဲမှာ ဦးဆောင်နေတာပါ။

(၂) Commonwealth Avenue (ဖိလစ်ပိုင်)

ဖိလစ်ပိုင်နိုင်ငံ၊ ကီဇန်မြို့မှာရှိတဲ့ Commonwealth Avenue ကတော့ လူသတ်တဲ့အဝေးပြေးလမ်းမအဖြစ် ဝိသေသပြု နာမည်ပေးထားကြပါတယ်။ ဒီလမ်းဟာ များပြားလှတဲ့ လမ်းသွားလမ်းလာတွေ၊ စက်ဘီးတွေ၊ ဆိုင်ကယ်တွေနဲ့ ယာဉ်မျိုးစုံကြောင့် ကားဆင့်တိုက်တဲ့ မတော်တဆမှုတွေ ဖြစ်ပွားလေ့ရှိတဲ့ အဝေးပြေးလမ်းမ ဖြစ်ပါတယ်။ သမာရိုးကျမဟုတ်တဲ့ စည်းကမ်းသတ်မှတ်ချက်တွေနဲ့ လမ်းစည်းကမ်းဥပဒေတွေကြောင့် ယာဉ်တိုက်မှုတွေ ဖြစ်ပေါ်လေ့ရှိတာပါ။

(၃) James Dalton Highway (အလက်စကာ)

အလက်စကာပြည်နယ်မှာရှိတဲ့ အဝေးပြေးလမ်းမတစ်ခုဖြစ်တဲ့ James Dalton လမ်းမပေါ် သင်စတင်ခြေချတာနဲ့ တည်ငြိမ်မှုကို ခံစားရစေမှာပါ။ ဒါပေမယ့် လမ်းမတစ်လျှောက်မှာတော့ ရေတိုက်စားထားတဲ့ ဂျိုင့်တွေ၊ ပြင်းထန်တဲ့လေနဲ့ပါလာတဲ့ ကျောက်အစအနတွေက သင့်ကိုကောင်းကောင်း ဒုက္ခပေးနိုင်ပါတယ်။ အဆိုးဆုံးကတော့ ကျယ်ပြန့်လှတဲ့ကွင်းပြင်ကြီးထဲ မောင်းနှင်ရတာပါ။

(၄) BR-116 (ဘရာဇီး)

ဘရာဇီးနိုင်ငံရဲ့ ဒုတိယမြောက်အရှည်ဆုံး အဝေးပြေးလမ်းမဖြစ်တဲ့ BR-116 ဟာ သေမင်းတမန်အဝေးပြေးလမ်းမ အဖြစ်ခေါ်ဝေါ်ကြတဲ့အထိ အန္တရာယ်များတဲ့ လမ်းမတစ်ခုပါပဲ။ လမ်းပိုင်းပြုပြင်ထိန်းသိမ်းမှု နည်းပါးသလို လူဆိုးဂိုဏ်းတွေနဲ့ လုယက်မှုတွေကြောင့် နှစ်တိုင်းမှာ လူထောင်ပေါင်းများစွာဟာ အသက်အန္တရာယ်နဲ့ ကြုံတွေနေကြရတာဖြစ်ပါတယ်။
 

(၅) ဟိမဝန္တာလမ်းများ

နာမည်ကျော်ဟိမဝန္တာအရပ်ကို ဦးတည်သွားလာနေတဲ့ လမ်းမများဟာလည်း အန္တရာယ်များတဲ့ လမ်းတွေထဲမှာ ပါဝင်လျက်ရှိနေပါတယ်။ ကွန်ယက်သဖွယ် ဟိမဝန္တာဆီ ဦးတည်နေတဲ့လမ်းတွေဟာ ကျဉ်းမြောင်းပြီး လမ်းခင်းထားခြင်းမရှိတာကြောင့် လမ်းချော်မှု အလွယ်တကူဖြစ်နိုင်သလို လမ်းတွေရဲ့ ဘေးတစ်ဘက်တစ်ချက်မှာ တိုက်ကြေပျက်စီးနေတဲ့ ကားတွေကို မြင်တွေ့ရမှာပါ။

(၆) Guoliang Tunnel (တရုတ်)

တရုတ်နိုင်ငံမှာရှိတဲ့ ဒီလမ်းဟာ တိုင်ဟန်တောင်ကို ဖောက်ပြီး ဂူလျောင်မြို့ကို ဆက်သွယ်သွားလာနိုင်အောင် ဖောက်လုပ်ထားတဲ့ လမ်းဖြစ်ပါတယ်။ သူရဲ့တည်ဆောက်ပုံအရ ဒီလမ်းဟာ လမ်းကျပ်တာမျိုးတွေ မရှိပေမယ့် ပင်ကိုအားဖြင့် အန္တရာယ်များတဲ့လမ်းဖြစ်ပါတယ်။

(၇) Taroko Gorge (တိုင်ဝမ်)

တိုင်ဝမ်အတွင်း အန္တရာယ်အများဆုံးလမ်းအဖြစ် လူသိများတဲ့ Taroko Gorge လမ်းဟာ ကျဉ်းမြောင်းတဲ့ တောင်နံရံလမ်းအတွင်း အန္တရာယ်များတဲ့ အချိုးအကွေ့တွေကြောင့် အန္တရာယ်အများဆုံးလမ်းတွေထဲမှာ ပါဝင်လာတာဖြစ်ပါတယ်။

(၈) Pasubio (အီတလီ)

အီတလီနိုင်ငံတောင်ပိုင်းမှာရှိတဲ့ Pasubio လမ်းကတော့ အလွန်လှပတဲ့ မြင်ကွင်းနဲ့ ကြမ်းတမ်းတဲ့ လမ်းခရီးကို ပေါင်းစပ်ထားတဲ့နေရာတစ်ခုပါ။ အဲဒီလမ်းမှာ သင့်အနေနဲ့ ကားမောင်းနှင်ဖို့အတွက် စိန်ခေါ်မှုများမှာဖြစ်ပြီး ကန့်သတ်ချက်တွေရှိတာကြောင့် တကယ်ကြမ်းတမ်းတဲ့ လမ်းတစ်ခုပါပဲ။

(၉) Halsema Highway (ဖိလစ်ပိုင်)

ဖိလစ်ပိုင်နိုင်ငံထဲက နောက်ထပ် အန္တရာယ်တွေနဲ့ ပြည့်နေတဲ့ အဝေးပြေးလမ်းတစ်ခုပါပဲ။ ခရီးသွားတွေ ကို ဆွဲဆောင်ရာမြို့ ဆီဂါဒါကို သွားတဲ့လမ်းဖြစ်တာကြောင့် အသုံးပြုမှုများပေမယ့် ပြုပြင်ထိန်းသိမ်းမှုနည်းပါးသလို တောင်ပြိုမှုတွေ ဖြစ်ပေါ်လေ့ရှိပါတယ်။ နှစ်တိုင်း ကားတစ်စီးကနေ နှစ်စီးအထိ လမ်းဘေးထိုးကျမှုတွေ ဖြစ်ပေါ်လေ့ရှိပါတယ်။

(၁၀) Skippers Canyon Road (နယူးဇီလန်)

ကျဉ်းမြောင်းပြီး လေထန်တဲ့ လမ်းတွေမှာ ယာဉ်တွေကို ဖြတ်သန်းသွားလာခွင့်ပြုဖို့ အထူးခွင့်ပြု ချက်တွေ လိုအပ်ပါတယ်။ ဒီလိုအင်္ဂါရပ်တွေကို ပိုင်ဆိုင်ထားတဲ့ နယူးဇီလန်မှာ ရှိတဲ့ Skippers Canyon လမ်းဟာ လမ်းချော်မှုဖြစ်ဖို့ အလွန်လွယ်ကူပြီး ယာဉ်တိုက်မှုတွေ ဖြစ်ပေါ်လေ့ရှိတဲ့နေ ရာတစ်ခုပါ။

(၁၁) Fairy Meadows (ပါကစ္စတန်)

ခမ်းနားတဲ့တောင်တန်းတွေကြားမှာ တည်ရှိနေတဲ့ Fairy Meadows လမ်းဟာ ကျဉ်းမြောင်းပြီး အန္တရာယ်တွေနဲ့ ပြည့်နေတဲ့လမ်းဖြစ်ပါတယ်။ ဒီလမ်းဟာ သေမင်းတမန်တောင်တန်း လို့ခေါ်ဆိုကြတဲ့ Nanga Parbat ကို သွားရောက်ရာမှာ ဖြတ်သန်းရတဲ့လမ်းဖြစ်ပြီး ကြီးမားတဲ့တောင်တန်းတွေကြား ချိုင့်ဝှမ်းတွေနဲ့ ပြည့်နှက်နေတဲ့ လမ်းဖြစ်ပါတယ်။

(၁၂) Luxor-al-Hurghada (အီဂျစ်)

အချို့လမ်းတွေဟာ နဂိုမှုလရှိနေတဲ့ ပတ်ဝန်းကျင်အနေအထားကြောင့် ကြမ်းတမ်းပေမယ့် အီဂျစ်နိုင်ငံ က Luxor-al-Hurghada ကတော့ မတူညီတဲ့အကြောင်းပြချက်နဲ့ အန္တရာယ်များတဲ့ လမ်းအဖြစ် နာမည်ကျော်တာပါ။ ဒီလမ်းကို ဖြတ်တဲ့အခါ ညမှောင်လာပြီဆိုရင် လုယက်မှုတွေကို ကြောက်တာကြောင့် ကားတွေဟာ မီးပိတ်ပြီး မောင်းနှင်ကြရပါတယ်။

(၁၃) The Barton Highway (သြစတြေးလျ)

သြစတြေးလျရဲ့ အန္တရာယ်အများဆုံး အဝေးပြေးလမ်းမအဖြစ် လူသိများပြီး ယာဉ်တိုက်မှုတွေ မကြာခဏဖြစ်ပွားလေ့ရှိတာကြောင့် ခရီးသွားတွေအတွက် လိုရာခရီးသွားရာမှာ နာမည်ဆိုးနဲ့ ကျော်ကြားတဲ့လမ်းဖြစ်ပါတယ်။
 

(၁၄) U.S. Route 431(အမေရိကန်)

အလာဘားမားပြည်နယ်မှာရှိတဲ့ U.S. Route 431 အဝေးပြေးလမ်းမဟာ ငရဲဆီသွားရာလမ်းအဖြစ် နာမည်ပြောင်ပေးထားခြင်းခံရတဲ့ လမ်းမပါ။ U.S. Route 431 ဟာ အမေရိကရဲ့ လူအသေအပျောက်အများဆုံး အဝေးပြေးလမ်းမအဖြစ် မှတ်တမ်းဝင်ထားဖူးပါတယ်။

(၁၅) A726 (စကော့တလန်)

A726 ဟာ အမြန်နှုန်းကန့်သတ်ချက် သတ်မှတ်ထားတဲ့ အဝေးပြေးလမ်းမတစ်ခုဖြစ်ပြီး ယာဉ်မောင်းတွေကို အိပ်ငိုက်စေတဲ့ လမ်းတစ်ခုဖြစ်ပါတယ်။ ခေါင်းချင်းဆိုင်တိုက်တဲ့ ယာဉ်တိုက်မှုတွေအဖြစ်များတာကြောင့် နာမည်ဆိုးနဲ့ ကျော်ကြားတဲ့အဝေးပြေးလမ်းမ အဖြစ် သတ်မှတ်ခံထားရတာပါ။

Credit; Drive Myanmar