လျှပ်စစ်တုတ်တုတ် စီးရေတိုးချဲ့မည်

လျှပ်စစ်တုတ်တုတ် စီးရေတိုးချဲ့မည်

TO GET INSTANT UPDATE 
Join Telegram Channel
https://t.me/Guid4U

ထိုင်းနိုင်ငံမှ လုပ်ငန်းသစ် Urban Mobility Tech Co (UMT) က MuvMi ဟု အမည်ပေးထားသော ဘက်ထရီသုံး သုံးဘီးတုတ်တုတ်များကို ထုတ်လုပ်သည့်အပြင် ပြေးဆွဲပါသည်။ အွန်လိုင်းမှ ကြိုတင်ငှားရန် အက်ပ်ကိုလည်း စီစဉ်ပေးထားပါသည်။ ယခုအခါ လျှပ်စစ်တုတ်တုတ် စီးရေ ၃၅၀ ဖြင့် ဝန်ဆောင်မှု ပေးလျက်ရှိရာ စီးရေ ၁,၀၀၀ သို့ ယခုနှစ်တွင် တိုးမြှင့်မည်ဖြစ်သည်။ တုတ်တုတ်ငှားစီးသူများက UMT ၏ လျှပ်စစ်တုတ်တုတ်ကို သဘောကျ နှစ်ခြိုက်ကြသဖြင့် ငှားရမ်းမှု များပြားနေသည်ကို ဖြည့်တင်းရန်အတွက် စီးရေတိုးမြှင့်ခြင်း ဖြစ်ပါသည်။

ဘန်ကောက်တွင် မိုးပျံရထားနှင့် မြေအောက်ရထား ဘူတာရုံနှင့် အိမ် သို့မဟုတ် ရုံးတို့အကြား သွားလာသည့် ခရီးတုိအတွက် လျှပ်စစ်တုတ်တုတ်ကို အစီးများကြပါသည်။

ပြီးခဲ့သည့် ၅ နှစ်တာအတွင်း ခရီးသည် ၃.၇ သန်းကို ပို့ဆောင်ပေးခဲ့ပါသည်။ စီးရေ တိုးမြှင့်ပြီး လုပ်ငန်းတိုးချဲ့ရန်အတွက် ဘတ် သန်း ၂၀၀ နီးပါး သုံးစွဲသွားမည်ဟု UMT ပူးတွဲထူထောင်သူနှင့် အမှုဆောင်ချုပ် Krisada Kritayakirana က ပြောကြားပါသည်။

ဘန်ကောက်မြို့တွင်သာမက အခြားမြို့များတွင်လည်း တိုးချဲ့လုပ်ကိုင်မည့် အစီအစဉ် ရေးဆွဲထားပါသည်။ 

 MuvMi တုတ်တုတ်သည် သမားရိုးကျ တုတ်တုတ်ထက် အရွယ်အစား ပိုကြီးအောင် ဒီဇိုင်းထုတ်ထားပါသည်။ သို့ဖြစ်ရာ လူပိုဆန့်ပါသည်။ 

ယာဉ်မောင်းများနှင့် ခရီးသည်တို့အကြား MuvMi အက်ပ်ဖြင့် ချိတ်ဆက်ပေးပါသည်။ ကြိုတင်မှာထားခြင်း၊ စောင့်ဆိုင်းရမည်ဆိုလျှင်လည်း တန်းစီစာရင်းပေးခြင်းတို့ကို MuvMi အက်ပ်ဖြင့် လုပ်ဆောင်နိုင်ပါသည်။ MuvMi တုတ်တုတ် သုံးမည် မသုံးမည် ဆုံးဖြတ်ရန် ကျသင့်ငွေကိုလည်း အက်ပ်မှာ အသိပေးပါသည်။
ကုမ္ပဏီများ၊ အစိုးရဌာနများကလည်း ဝန်ထမ်းများကို ဘူတာရုံသို့ အပို့အကြိုအတွက် MuvMi တုတ်တုတ်ကို သုံးစွဲကြပါသည်။ 

UMT ပူးတွဲတည်ထောင်သူနှင့် အင်ဂျင်နီယာချုပ် Pipat Tangsiripaisan က ကုမ္ပဏီသည် ၎င်း၏ tuk-tuk ဒီဇိုင်းနှင့် ဆိုလာပါဝါ ပုံစံများ ပါသည့် အားသွင်းကိရိယာများအတွက် မူပိုင်ခွင့်နှစ်ခုကို ရရှိထားကြောင်း ပြောကြားသည်။

ရေရှည်စီမံကိန်းအရ UMT သည် လျှပ်စစ်တုတ်တုတ် အစီးရေ ၄,၀၀၀ မှ  နှင့် ၅,၀၀၀ အထိ ငါးနှစ်အတွင်း တိုးမြှင့်သွားရန် အစီအစဉ် ရှိသည်။ 

UMT သည် ၎င်း၏တည်ထောင်သူများနှင့် အမျိုးသား တီထွင်ဆန်းသစ်မှုအေဂျင်စီ National Innovation Agency(NIA) ထံမှ ငွေကြေးဖြင့် ၂၀၁၆ ခုနှစ်တွင် လုပ်ငန်းစတင်ခဲ့သည်။
ကုမ္ပဏီသည် ၂၀၂၀ နှင့် ၂၀၂၁ ခုနှစ်အတွင်း ကပ်ရောဂါကြောင့် တိုးချဲ့ရန် အစီအစဉ် နှောင့်နှေးခဲ့သည်။
MuvMi tuk-tuks များကို ကပ်ရောဂါကာလအတွင်း ကုန်ပစ္စည်းသယ်ယူရာတွင် အများဆုံး အသုံးပြုခဲ့ကြသည်။

ထိုင်းနိုင်ငံတွင် မှတ်ပုံတင်ထားသည့် တုတ်တုတ် အစီးရေ ၃၀,၀၀၀ ရှိပြီး ဘန်ကောက်တွင် အစီးရေ ၉,၀၀၀ ပြေးဆွဲနေသည်။
Source Bangkokpost 

TO GET INSTANT UPDATE 
Join Telegram Channel
https://t.me/Guid4U