TESLA နှင့် BMW လျှပ်စစ်ကားများအတွက် 4680 ဘက်ထရီများ SAMSUNG ထုတ်လုပ်မည်


TESLA နှင့် BMW လျှပ်စစ်ကားများအတွက် 4680 ဘက်ထရီများ SAMSUNG ထုတ်လုပ်မည်

လက်ရှိအခြေအနေတွင် လျှပ်စစ်ကားထုတ်လုပ်သူအားလုံးတို့ ဘက်ထရီ အပါအဝင်  ထောက်ပံ့ရေးကွင်းဆက်ပြဿနာများနှင့် ရင်ဆိုင်နေကြရပါတယ်။

လျှပ်စစ်မော်တော်ယာဉ်သုံး ဘက်ထရီ ထုတ်လုပ်ရေးလုပ်ငန်းများ လက်ရှိမျိုးဆက်ဘက်ထရီများကို အလျဉ်မီအောင် ထုတ်လုပ်ဖို့အတွက် ကိုဗသ်အပါအဝင် အခက်အခဲများ ရင်ဆိုင်နေကြရပြီး မျိုးဆက်သစ် ဘက်ထရီများ ဖွံ့ဖြိုးထုတ်လုပ်ဖို့ ခဲယဉ်းနေကြချိန်မှာ Samsung က မျိုးဆက်သစ် ဘက်ထရီဖြင့် ဈေးကွက်ထဲကို ဝင်လာပါတယ်။

The Elec မီဒီယာမှာ ဖော်ပြတဲ့သတင်းအရ  Samsung SDI က နောက်မျိုးဆက်သစ် ဘက်ထရီဖြင့် ရှေ့သို့ထွက်လာပြီး Tesla အတွက် ဘက်ထရီမျိုးဆက်သစ် ထုတ်လုပ်ဖို့ ကန်ထရိုက် ရရှိခဲ့ပါတယ်။ စီတန်းတပ်ဆင်ထုတ်လုပ်မှုကို တောင်ကိုရီးယားနိုင်ငံ Cheonan ရှိ စက်ရုံမှာ စတင်နေပြီ ဖြစ်ပါတယ်။

အစစအရာရာ အဆင်ပြေ‌ရင် နောက်နှစ်မှာ Samsung က မလေးရှားနိုင်ငံမှာ မျိုးဆက်သစ် ဘက်ထရီ အမြောက်အမြား ထုတ်လုပ်ဖို့ ရင်းနှီးမြှုပ်နှံမှာ ဖြစ်ပါတယ်။

နောက်မျိုးဆက်သစ် ဘက်ထရီက 4680 standard ဘက်ထရီ ဖြစ်ပါတယ်။

4680 က အချင်း ၄၆ မီလီမီတာ၊ အမြင့် ၈၀ မီလီမီတာကို ဆိုလိုပါတယ်။

ဘက်ထရီက ဆလင်ဒါပုံ ဖြစ်ပါတယ်။ (ကြည့်ရှုလေ့လာနိုင်ရန် အောက်တွင် ပုံများ ဖော်ပြပေးထားပါတယ်)

လောလောဆယ် ဗားရှင်း ၂ မျိုး ရှိနေပါတယ်။

ကားမော်ဒယ်အပေါ်မူတည်ပြီး အမြင့် ကွဲပြားပါတယ်။

Tesla အတွက် တစ်မျိုး၊ BMW လျှပ်စစ်ကားမော်ဒယ်အတွက် တစ်မျိုး စုစုပေါင်း ဗာရှင်း ၂ မျိုးကို Samsung က ထုတ်လုပ်ထားပါတယ်။

#MyanmarAutomobileGuide


 Telegram Channel
https://t.me/Guid4U

https://t.me/Guid4U/SAMSUNGbatteryTeslaBMW

 

 

 

 

Read 353 times