ယင်းကားအမျိုးအစားတွင် ၁၃၀၀ စီစီကားအမျိုးအစားဖြစ်ပြီး ပြည်တွင်းတွင်အသုံးများပါသည်။
ယာဉ်ပိုင်ရှင်များအနေဖြင့်ကြိုတင်သိရှိကာကွယ်နိုင်ရန် swift တွင်ဖြစ်တတ်သည့်ပြဿနာအချို့ကို ဖော်ပြထားပါသည်။
၁။အင်ဂျင်ချက်မီးလင်းခြင်း
၁၉၉၄၊ ၁၉၉၅ နှင့် ၁၉၉၆ မော်ဒယ်ကီလို ၁၅၀၀၀၀ ကျော်မောင်းနှင်ပြီးသည့်ကားအမျိုးအစားများတွင် အဖြစ်များပါသည်။
ပြဿနာမှာအရည်အသွေးမပြည့်မီသည့်သန့်ရှင်းမှုမရှိသည့်သန့်ရှင်းမှုမရှိသည့်လောင်စာဆီများအသုံးပြုသော ကြောင့်ဖြစ်ပါသည်။
Swift အသုံးပြုသူများအနေဖြင့်လောင်စာဆီကောင်း၊ ဆီသန့်ကိုရွေးချယ်အသုံးပြုရန်လိုပါသည်။
အောက်ဆီဂျင်ဆင်ဆာချို့ယွင်းသည့်အတွက်အင်ဂျင်ချက်မီးလင်းခြင်းဖြစ်ပါသည်။
မသန့်ရှင်းသောလောင်စာဆီကြောင့်အောက်ဆီဂျင်ဆင်ဆာချို့ယွင်းခြင်းဖြစ်ပါသည်။
ဆင်ဆာအသစ်လဲလှယ်လိုက်သည်နှင့်ချက်မီးပြန်ငြိမ်းသွားပါသည်။
၂။ဂက်စ်ကက်ချို့ယွင်းခြင်း
၁၉၉၀၊ ၁၉၉၁ နှင့် ၁၉၉၂ မော်ဒယ် Suzuki Swift တွင်အဖြစ်များပါသည်။
Throttle-body base gasket ကယိုစိမ့်ခြင်းဖြစ်ပါသည်။
ယင်းအတွက်အင်ဂျင်ကိုအလွတ်လည်ပတ်သည့်အခါကြမ်းတမ်းပြီး အရှိန်မြင့်တင်သည့်အခါထစ်ထစ်ငေ့ါငေ့ါ ဖြစ်နေတတ်ပါသည်။
ချို့ယွင်းသည့်ဂက်စ်ကက်ကိုသစ်လဲလှယ်ရမည်ဖြစ်ပါသည်။
၃။ရိုတာများပုံမမှန်ခြင်း
၁၉၉၀ မှ ၂၀၀၂ မော်ဒယ်အထိ Suzuki Swift များတွင်အဖြစ်များပါသည်။
ဘရိတ်ကိုအသုံးပြုသည့်အခါဘရိတ်ရိုတာများကပုံမှန်အလုပ်မလုပ်ခြင်းဖြစ်ပါသည်။
၄။ ABS မီးလင်းခြင်း
၁၉၉၅၊ ၁၉၉၆ နှင့် ၁၉၉၇ မော်ဒယ် Suzuki Swift များတွင်အဖြစ်များပါသည်။
Anti-Lock Brake System(ABS) မီးလင်းလာခြင်းဖြစ်ပါသည်။
များသောအားဖြင့်ပူသည့်အချိန်နှင့်စိုထိုင်းသည့်ရာသီများတွင်အဖြစ်များပါသည်။
ABS motor pack ထဲတွင်ချို့ယွင်းခြင်းများပါသည်။
၅။တံခါးခလုတ်ချို့ယွင်းခြင်း
၁၉၉၀၊ ၁၉၉၁၊ ၁၉၉၄ နှင့် ၁၉၉၅ မော်ဒယ် Suzuki Swift ကီလိုနှစ်သိန်းကျော်မောင်းနှင်ပြီးသည့်အခါ အဖြစ်များပါသည်။
တံခါးအဖွင့်အပိတ်ခလုတ်များပျက်စီးတတ်ပါသည်။
ထို့သို့ဖြစ်ရခြင်းမှာတံခါးခလုတ်များအသစ်လဲလှယ်ရန်လိုအပ်ပါလိမ့်မည်။
၆။ဘရိတ်အချက်ပြမီးအလုပ်မလုပ်ခြင်း
၁၉၉၇ မော်ဒယ် Suzuki Swift တွင်အဖြစ်များပါသည်။
ဘရိတ်ကိုအသုံးပြုလို့ရသော်လည်းဘရိတ်အချက်ပြမီးကအလုပ်မလုပ်ခြင်းဖြစ်ပါသည်။
ဘရိတ်အချက်ပြမီးလုံးနှင့်ဆက်သွယ်သည့်ဝါယာရင်းစနစ်များကိုစစ်ဆေးပြုပြင်ရမည်ဖြစ်ပါသည်။
၇။ဂက်စ်ကပ်ပြဿနာ
၁၉၉၄ မော်ဒယ် Suzuki Swift ကိုမောင်းနှင်နေရင်းနှင့်အင်ဂျင်ချက်မီးလင်းလာခြင်းဖြစ်ပါသည်။
Gas cap ကလွဲချော်ပြီးလုစ်(lose) ဖြစ်နေတတ်ပါသည်။
Gas cap အသစ်လဲလှယ်လိုက်ပါကအဆင်ပြေသွားမည်ဖြစ်ပါသည်။
အင်ဂျင်အစိတ်အပိုင်းတစ်ခုခုချို့ယွင်းခြင်းဆိုပါကကွန်ပျူတာထိုးစစ်မှသာမည်သည့်အစိတ်အပိုင်းကချို့ယွင်း ခြင်းဆိုသည်မှာကုတ်နံပါတ်များအရသိရှိနိုင်ပါသည်။
မီးခိုးထုတ်လွှတ်သည့်အိတ်ဇောစနစ်ကပိတ်ဆို့နေခဲ့ပါကအင်ဂျင်ချက်မီးလင်းသည့်အတွက်အိတ်ဇောစနစ်ကို လည်းစစ်ဆေးရန်လိုအပ်ပါသည်။