SME စက်သုံးဆီဆိုင်များအား စတုတ္ထအကြိမ် စက်သုံးဆီ ရောင်းချပေးမည့် ကိစ္စ ထုတ်ပြန်
အသေးစားနှင့်အလတ်စားစက်သုံးဆီဆိုင်ရာလုပ်ငန်းကော်မတီက စာအမှတ်။SME/Info-01-06/2022 ရက်စွဲ ၁.၆.၂ဝ၂၂ ဖြင့် SME စက်သုံးဆီဆိုင်များအား စတုတ္ထအကြိမ် စက်သုံးဆီ ရောင်းချပေးမည့် ကိစ္စ ထုတ်ပြန်ကြေညာထားသည်ကို ဖော်ပြအပ်ပါသည်။
အကြောင်းအရာ ။ ။ SME စက်သုံးဆီဆိုင်များအား စတုတ္ထအကြိမ် စက်သုံးဆီ ရောင်းချပေးမည့် ကိစ္စ ထုတ်ပြန်ခြင်း။
၁။ မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်း (MPTA) ၏ အသေးစားနှင့် အလတ်စား စက်သုံးဆီဆိုင်ရာ လုပ်ငန်းကော်မတီ အနေဖြင့် SME စက်သုံးဆီခွဲတမ်း ကို တတိယအကြိမ်မြောက် အထိရောင်းချပေးခဲ့ပြီးဖြစ်ပါသည်။
၂။ လာမည့် စတုတ္ထအကြိမ်မှစ၍ SME ခွဲတမ်းစာရင်းကို အပတ်စဉ် တနင်္လာနေ့တိုင်း ကြေညာရောင်းချ ပေးမည်ဖြစ်ပြီး ဝယ်ယူရမည့်သတ်မှတ်ဈေးနှုန်းကို Unseen (ကြိုမသိနိုင်သေးသည့်ဈေး) ဖြစ်သော ၊ ကြေညာချက်ထုတ်ပြန်ပြီး နောက်တစ်နေ့ ဖြစ်သည့် အင်္ဂါနေ့ PPRD ရည်ညွှန်းလက်ကားဈေးဖြင့် ရောင်းချ ပေးသွားပါမည်။
၃။ စတုတ္ထအကြိမ်အတွက် တတိယအကြိမ်မြောက်တွင် ရောင်းချပေးခဲ့သော စက်သုံးဆီ ဆိုင် ၄၁၁ ဆိုင်ကို ဆက်လက်စာရင်းသွင်းရောင်းချပါမည် ။အကယ်၍ ထပ်မံဝယ်ယူလိုခြင်းမရှိပါက ၂.၆.၂၀၂၂ နေ့ ညနေ ၄:၀၀ နာရီနောက်ဆုံးထားပြီး အကြောင်းပြန်ကြားပေးစေလိုပါသည်။
၄။ အကယ်၍ တတိယအကြိမ်မြောက် ၄၁၁ ဆိုင်တွင်မပါဝင်သေးသော SME ဆိုင်အသစ် များက ထပ်မံလျှောက်ထားဝယ်ယူ လိုပါကလည်း အောက်ပါ Excel File ကို ပြည့်စုံစွာ ဖြည့်သွင်းပြီး ၂.၆.၂၀၂၂ ညနေ ၄:၀၀ နာရီနောက်ဆုံးထားပြီး သက်ဆိုင်ရာဒေသ အသီးသီး ရှိ ရေနံနှင့်ရေနံထွက်ပစ္စည်းကြီးကြပ် စစ်ဆေးရေးအရာရှိရုံး (PPRD )ရုံးများမှ တဆင့်သော် လည်းကောင်း၊ မြန်မာနိုင်ငံစက်သုံးဆီ တင်သွင်း ရောင်းချဖြန့်ဖြူးရေးအသင်း ( MPTA ) မှ တဆင့်သော်လည်းကောင်း၊ SME ကော်မတီ ဥက္ကဌ ရုံးအဖွဲ့ E-mail လိပ်စာများ ဖြစ်သော
[email protected]
သို့လိပ်မူပြီး
[email protected]
နှင့်
[email protected]
တို့သို့ မိတ္တူပေးကာ E-mail မှတဆင့်သော်၎င်းလျှောက်ထား ရမည်ဖြစ် ပါသည်။
၅။ အကယ်၍ Excel Form ဖြည့်သွင်းရန် အခက်အခဲရှိပါကအောက်ပါ ပုဂ္ဂိုလ် များထံ တိုက်ရိုက် ဆက်သွယ် မေးမြန်းနိုင်ကြပါကြောင်း အသိပေးအပ်ပါသည်။
(က) ဦးအောင်ဖြိုးဝေ
တာဝန်ခံ ဥက္ကဌရုံးအဖွဲ့
ဖုန်းနံပါတ် 09765421047
(ခ) ဦးဇော်ဝင်း
တွဲဖက်အထွေထွေအတွင်းရေးမှုး
ဖုန်းနံပါတ် 09444492234
Sign In with Google