ပါဝါ အိတ်ဇောတပ်ထားသည့် ယာဉ်များကို ဒီဇင်ဘာမှစ၍ တင်းကျပ်စွာ အရေးယူမည်ဟု ရန်ကုန်တိုင်းက ကြေညာ

ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီက Power Exhaust (ပါဝါ အိတ်ဇော) တပ်ဆင်ထားသည့် အိမ်စီးကားများ၊ ပြိုင်ကားများနှင့် မော်တော်ဆိုင်ကယ်များကို ၂၀၂၅ ဒီဇင်ဘာလမှစတင်၍ ဥပဒေအရ ပြင်းထန်စွာ အရေးယူသွားမည် ဟု အသိပေးပြောကြားလိုက်ပါတယ်။

ဇွန်လကနေ နိုဝင်ဘာလလယ်အထိ စစ်ဆေးဖမ်းဆီးခဲ့သည့် အစဉ်အလာအရ Power Exhaust တပ်ထားသော

• ပြိုင်ကား (၇)စီး
   

• လူစီးယာဉ် (၇၁)စီး
   

• မော်တော်ဆိုင်ကယ် (၂)စီး
  စုစုပေါင်း ၈၀ စီး ကို ဖမ်းဆီး၍ ဒဏ်ဖြင့် ပြစ်ဒဏ်ပေးခြင်း၊ လိုင်စင်ဆိုင်းငံ့ခြင်း စတဲ့ လုပ်ဆောင်ချက်များကို ပြုလုပ်ထားကြောင်း သိရပါတယ်။
   

ကောင်စီအဆိုအရ၊ လမ်းများပေါ်မှာ အသံဆူညံသံများဖြစ်စေပြီး လူထုအနှောင့်အယှက် ဖြစ်စေတတ်သည့် Power Exhaust တပ်ဆင်ထားသည့် ယာဉ်များကို
တစ်ကြိမ်ချိုးဖြတ်လျှင် — တစ်လထက်မပိုသည့် ထောင်ဒဏ် သို့မဟုတ် ကျပ် ၁ သိန်းထက်မပိုသည့် ငွေဒဏ် (သို့) ဒဏ်နှစ်ရပ်လုံး ချမှတ်မည်ဟု ပြောကြားထားပါတယ်။

ထပ်မံကျူးလွန်သူများအတွက်တော့
သုံးလထက်မပိုသည့် ထောင်ဒဏ်၊ ကျပ် ၃ သိန်းထက်မပိုသည့် ငွေဒဏ် (သို့) ဒဏ်နှစ်ခုလုံး ချမှတ်နိုင်မည်ဖြစ်ပြီး ဒီဇင်ဘာလမှစ၍ တင်းကျပ်စွာ အရေးယူသွားမည်လည်း အသိပေးထားပါတယ်။

ပြည်သူတစ်ဦးကလည်း “အိပ်ဇောသံတွေက ဆူညံလွန်းလို့ လမ်းပေါ်က လူတွေကို ကြောက်စေတတ်ပါတယ်။ ဒါကြောင့် အခုလို အရေးယူရေးတွေ တိုးလာတာ ကောင်းပါတယ်” ဟု မှော်ဘီမြို့နယ်က ပြောကြားခဲ့ပါတယ်။

သတ်မှတ်ချက်အရ၊ Power Exhaust ရောင်းချရာ စတိုးဆိုင်များနှင့် တပ်ဆင်ပေးသော ဝပ်ရှော့များကိုလည်း သက်ဆိုင်ရာဌာနများက ဥပဒေအရ တင်းကျပ်စွာ အရေးယူမှုပြုလုပ်သွားမည် ဟု သိရပါတယ်။