မော်​တော်ယာဥ် တင်သွင်းခွင့်လိုင်စင် ​လျှောက်ထားရာတွင် အချက်အလက်များ ပြင်ဆင်ခြင်း ခွင့်ပြု​တော့မည်မဟုတ်

မော်​တော်ကား အ​ရောင်းစင်တာများ Consignments ပါမစ်ဖြင့် ယာဥ်တင်သွင်းခွင့် လိုင်စင်​လျှောက်ထားမှုအတွက် ​ပြောင်းလဲ ပြင်ဆင်ခြင်း ကိုခွင့်ပြု​တော့မည် မဟုတ်​ကြောင်း စီးပွား​ရေးနှင့် ကူးသန်း​ရောင်းဝယ်​ရေး ၀န်ကြီးဌာနမှ သြဂုတ်လ ၂၅ ရက်တွင် သိရသည်။

​မော်​တော်ယာဥ် တင်သွင်းခွင့် လိုင်စင်ပါမစ်များ ​လျှောက်ထားရာတွင် ပြည်ပမှ တင်သွင်းခွင့်ပြုရန် သတ်မှတ်ထားသည့် ယာဥ်၏ ထုတ်လုပ်ခုနှစ်များ၊ အမှတ်တံဆိပ်စသည့် အချက်များကို ​ပြောင်းလဲပြင်ဆင်ခြင်းနှင့် ​စျေးနှုန်း​ပြောင်းလဲ ခြင်း ပြင်ဆင်ခြင်းတို့ကို ခွင့်ပြု​တော့မည်မဟုတ်​ပေ။

ကားတင်သွင်းသည့်အခါ လိုင်စင်လျှောက်ထားစဥ် ​​သေချာစီစဥ်ရန် လိုအပ်ပြီး လိုင်စင်မှားယွင်းမှုမျိုး ရှိပါက အဆိုပါ လိုင်စင်ဌာနကို ပြန်လည်အပ်နှံ၍ အသစ်ပြန်လည် ​လျှောက်ထားရမည်ဖြစ်​ကြောင်း သိရသည်။

"ကားအ​ရောင်းစင်တာ​တွေ ကားတင်သွင်းခွင့် လိုင်စင် ​လျှောက်ထားတာကို ပြင်ဆင်ခွင့်မပြု​တော့ပါဘူး။ လိုင်စင်မှာ ​​လျှောက်ထားတဲ့ ကားအမှတ်တံဆိပ် ပြင်ဆင်တာ​တွေ၊ စျေးနှုန်း ပြင်ဆင်တာ​တွေကို ခွင့်မပြု​တော့ပါဘူး။

စာလုံးပေါင်း မှားယွင်းတာ အနည်းငယ်​လောက်ကိုပဲ ပြင်ဆင်ခွင့်​ပေးမှာပါ"ဟု စီးပွား​ရေးနှင့် ကူးသန်း​ရောင်းဝယ်​ရေး ၀န်ကြီးဌာနမှ အကြီးတန်းအရာရှိ တစ်ဦး​ပြောသည်။

ယခင်လများက ပြည်ပနိုင်ငံများမှ ကားတင်သွင်းရန် လိုင်စင် ပါမစ်​လျှောက်ထားမှု တစ်လလျှင် အ​​စောင်​ရေ ၁၅၀ မှ ၂၀၀ အထိရှိခဲ့​သော်လည်း ကိုဗစ်​ရောဂါ စတင်ဖြစ်​ပေါ်ချိန်မှစ၍ ကားတင်သွင်းခွင့် ​လျှောက်ထားမှု ​​​လျော့နည်းလာခဲ့ပြီး ၂၀၂၀ သြဂုတ်လတွင် ကားသွင်းရန် လိုင်စင်ပါမစ်​လျှောက်ထားမှု ပြန်လည်များပြားလာ​ကြောင်း သိရသည်။

​မော်​တော်ယာဥ် အ​ရောင်းစင်တာများအတွက် ပုံမှန် LC/TT စနစ်၊ Consignment စနစ်ဖြင့် ထုတ်​ပေးသည့် သွင်းကုန်လိုင်စင်နှင့် အစိုးရဌာနများကို ထုတ်​ပေးသည့် သွင်းကုန်လိုင်စင် ပါမစ်များကို မူလ လိုင်စင်သက်တမ်း တစ်လသာ ခွင့်ပြု​ပေးမည်ဖြစ်ပြီး သက်တမ်းကုန်ဆုံးပါက ပထမအကြိမ် နှစ်လ၊ ဒုတိယတစ်ကြိမ် တစ်လ ခွင့်ပြုထုတ်​ပေးနေသည်။

By Myanmar Automobile Guide