မြောက်အမေရိကတွင် 'ကားများ' ပိုမိုထုတ်လုပ်ရန်အတွက် Honda ကားကုမ္ပဏီ နှင့် GM ကားကုမ္ပဏီ တို့ပူးပေါင်း


မြောက်အမေရိကတွင် 'ကားများ' ပိုမိုထုတ်လုပ်ရန်အတွက် Honda ကားကုမ္ပဏီ နှင့် GM ကားကုမ္ပဏီ တို့ပူးပေါင်း Honda ကားကုမ္ပဏီ နှင့် GM ကားကုမ္ပဏီ တို့သည်မြောက်အမေရိကတွင် ပူးပေါင်း၍ မော်တော်ယာဉ်နှင့်ပတ်သက်သော သုတေသန၊ ဖွံ့ဖြိုးတိုးတက်မှု၊ အင်ဂျင်နီယာဆိုင်ရာ ကုန်ကျစရိတ်များကို ပူးပေါင်းရန် နားလည်မှု စာချွန် လွှာကို လက်မှတ်ရေးထိုးခဲ့ ကြကြောင်းသိရပါတယ်။

မြောက်အမေရိကမော်တော်ယာဉ်များ မဟာမိတ်အဖွဲ့ လက်အောက်တွင် ကုမ္ပဏီနှစ်ခုစလုံးသည် လျှပ်စစ်နှင့်အတွင်းအင်ဂျင်လောင်ကျွမ်းမှု တွန်းအားစနစ်များအပါအ၀င် အများသုံးမော်တော်ယာဉ် ပလက်ဖောင်းများကိုမျှဝေမည်ဖြစ်ကြောင်း GM ကားကုမ္ပဏီက ကြာသပတေးနေ့တွင် ထုတ်ပြန်ခဲ့ပါတယ်။

 

ကုမ္ပဏီနှစ်ခုစလုံးသည် ၂၀၂၁ ပြည့်နှစ်အစောပိုင်းတွင် အင်ဂျင်နီယာလုပ်ငန်းစတင်ခြင်းနှင့်အတူ မော်တော်ယာဉ်ပလက်ဖောင်းများနှင့် နည်းပညာကို လျင်မြန်စွာ ပေါင်းစပ်ရန်သူတို့၏ကြိုးပမ်းမှုများကိုစတင်လုပ်ဆောင်ရန်စီစဉ်ခဲ့ကြပါတယ်။

 

သဘောတူညီမှုအရ ကုမ္ပဏီများသည် ကုမ္ပဏီတစ်ခုစီ၏အမှတ်တံဆိပ်အောက်တွင် ကားအမျိုးအစားများကို ရောင်းချလုပ်ဆောင်သွားမည် ဖြစ်ကြောင်းသိရပါတယ်။

 

ပေါင်းစပ်ကြိုးပမ်းမှုသည် မော်တော်ကားထုတ်လုပ်သူများကို "တီထွင်ဆန်းသစ်မှုအရှိန်မြှင့်ခြင်း" နှင့် "အရင်းအမြစ်များကိုထိထိရောက်ရောက်ဖြန့်ဖြူးခြင်း စသည့် စွမ်းရည်များထိရောက်စွာပေးလိမ့်မယ် "လို့ GM ကားကုမ္ပဏီ ကပြောကြားခဲ့ပါတယ်။

 

GM ကားကုမ္ပဏီ ၏ဥက္ကဠ Mark Reuss က“ ဒီမဟာမိတ်အဖွဲ့က ကုမ္ပဏီနှစ်ခုလုံးကို အနာဂတ်မိုဘိုင်းတီထွင်မှုမှာရင်းနှီးမြှုပ်နှံမှုပိုမို မြန်ဆန်စေဖို့အထောက်အကူပြုလိမ့်မယ်ဟုဆိုပါတယ်။ "ကျွန်တော်တို့ရဲ့ပူးပေါင်းဆောင်ရွက်မှုခိုင်မာတဲ့ မှတ်တမ်းတွေကြောင့် ကုမ္ပဏီတွေဟာ ယနေ့ခေတ် မော်တော်ယာဉ်အစုရှယ်ယာဖွံ့ဖြိုး

တိုးတက်မှုမှာ သိသာထင်ရှားတဲ့ အပြန်အလှန် အကျိုးသက်ရောက်မှု တွေရှိလာလိမ့်မယ်လို့ ဆိုပါတယ်။

 

Honda ကားကုမ္ပဏီက GMကားကုမ္ပဏီနှင့် မဟာမိတ်ဖွဲ့ခြင်းပြုလုပ်စဥ◌်တွင် ကျွန်ုပ်တို့၏ကိုယ်ပိုင်ကွဲပြားပြီး ယှဉ်ပြိုင်နိုင်သည့်ထုတ်ကုန် ကမ်းလှမ်းမှုများကို ထိန်းသိမ်းထားပြီး အနာဂတ်မိုဘိုင်းနည်းပညာကိုရင်းနှီးမြှုပ်နှံမှု အတွက်ပိုမိုကောင်းမွန်သောအခြေအနေသို့ရောက်ရှိမည် ဟု Honda ကားကုမ္ပဏီ အမှုဆောင် ဒုဥက္ကဠ Seiji

Kuraishi က ‌ပြောကြားခဲ့ပါတယ်။

 

မဟာမိတ်အဖွဲ့ကို Honda ကားကုမ္ပဏီနှင့် GMကားကုမ္ပဏီမှအကြီးတန်း အမှုဆောင်အရာရှိများပါဝင်သည့် ပူးတွဲကော်မတီက ကြီးကြပ်လိမ့်မည်ဟု ဖော်ပြထားပါတယ်။

 

 By Myanmar Automobile Guide

Ref:foxbusiness

 

Read 494 times