လျှပ်စစ်ဆိုင်ကယ်ထုတ်လုပ်မည့် Harley-Davidson

Harley-Davidson သည် Milwaukee မြို့တွင် ပြုလုပ်သည့် ကုမ္ပဏီသက်တမ်း ၁၁၅ နှစ်ပြည့်အထိမ်းအမှတ်ပွဲတွင် ထုတ်လုပ်မှုမော်ဒယ်နှင့် အနီးစပ်ဆုံး တူညီမည့် Live Wire အမည်ရှိ လျှပ်စစ်ဆိုင်ကယ်မော်ဒယ်ကို ပထမဆုံးအကြိမ် ထုတ်ဖော်ပြသခဲ့ကြောင်း သိရပါတယ်။

Harley-Davison သည် ၂၀၁၄ ခုနှစ်မှစ၍ လျှပ်စစ်ဆိုင်ကယ်ထုတ်လုပ်ရန် Project Live Wire စီမံကိန်း ချမှတ်ခဲ့ပြီး ယခုအခါ ၎င်းတို့၏ ထုတ်ကုန်အသစ်ကို စတင်မိတ်ဆက်ပြသခြင်း ဖြစ်ပါတယ်။

Live Wire ဆိုင်ကယ်ကို နည်းလမ်းသစ်ဖြင့် စီးနင်းလိုသည့် ဖောက်သည်အသစ်များအား ဆွဲဆောင်နိုင်ရန် Twewist and go ဒီဇိုင်းပုံစံဖြင့် ထုတ်လုပ်ထားသဖြင့် လက်ရှိ Harley-Davidson ဆိုင်ကယ်များနှင့် မတူသော်လည်း စီးနင်းသည့်အခါ မိမိတို့၏ မျိုးရိုးဗီဇအရသာ ခံစားရမည်ဟု ကုမ္ပဏီတည်ထောင်သူ၏ မြစ်ဖြစ်သူ Bill Davidson က ပြောပါတယ်။

အမေရိကန်ပြည်ထောင်စု၊ ပင်ဆယ်ဗေးနီးယားပြည်နယ်တွင် ထုတ်လုပ်သည့် Live Wire လျှပ်စစ်ဆိုင်ကယ်ကို လက်ရှိအချိန်တွင် နမူနာပြရန် တစ်စီးသာ ထုတ်လုပ်ထားပြီး အစိတ်အပိုင်းအများစုကို လက်ဖြင့် တပ်ဆင်တည်ဆောင်ထားခြင်းဖြစ်ကာ ၂၀၁၉ ခုနှစ်မှသာ ဈေးကွက်အတွင်း စတင်ဖြန့်ချိသွားမှာ ဖြစ်ပါတယ်။

အမေရိကန်ဈေးကွက်တွင် Live Wire လျှပ်စစ်ဆိုင်ကယ်ကို Gloss Black, Matte Yellow, Fused Orange အရောင်သုံးမျုးိဖြင့် ထုတ်လုပ်ရောင်းချသွားမှာ ဖြစ်ပါတယ်။