ကားလုပ်ငန်း Geely က အရှုံးပြနေသည့် Lifan ကို ဝယ်ယူ

ဆွီဒင်မှ Volvo ကားလုပ်ငန်းပိုင်ရှင် ဖြစ်သော တရုတ်ပြည် ကားလုပ်ငန်း Geely သည်

 ကိုဗစ်သက်ရောက်မှုကြောင့် အရောင်းအဝယ်ကျဆင်းမှု ပိုမိုဆိုးရွားသွားသော ကားထုတ်လုပ်ငန်းတစ်ခုအား လွှဲပြောင်းယူရန် စီစဉ်နေကြောင်း ပြောကြားခဲ့သည်။

Zhejiang Geely Holding Group Co လီမိတက်သည် တရုတ်နိုင်ငံ၏တစ်ချိန်က ဦး ဆောင်မော်တော်ဆိုင်ကယ်ထုတ်လုပ်သူဖြစ်ခဲ့သော Chongqing Lifan Holdings Ltd ၏ အစုရှယ်ယာအများဆုံး ပိုင်ဆိုင်သူဖြစ်လာရန် အရင်းအနှီးအသစ်များ ထည့်သွင်းရန် စီစဉ်နေကြောင်းပြောကြားသည်။ ဝယ်ယူသည့် အစုရှယ်ယာများ၏စျေးနှုန်းနှင့် ပမာဏကိုမူ ထုတ်ဖော်ပြောကြားခြင်း မပြုသေးချေ။

မားစီးဒီးကား ထုတ်လုပ်သည့် Daimler AG တွင်လည်း Geely က အစုရှယ်ယာအများဆုံးပိုင်ဆိုင်ထားသည်။

တရုတ်ကားပြည်တွင်း ကားဈေးကွက်တွင် ကားရောင်းအားသည် ဧပြီလတွင် နှစ်နှစ်အတွင်း အနိမ့်ဆုံးသို့ ရောက်ရှိခဲ့သည်။ အလားတူပင် နိုင်ငံတကာ ဝယ်လိုအားလည်း ကျဆင်းခဲ့သည်။

တရုတ်၏ အကြီးမားဆုံး မော်တော်ကားထုတ်လုပ်သူများမှ အမှုဆောင်အရာရှိများက ၎င်းတို့သည် ကိုဗစ်ကာလ လွန်မြောက်သည့်အခါ အခြေအနေပြောင်းလဲလာမည်ဟု မျှော်လင့်ကြောင်း ပြောကြားခဲ့ကြသည်။ ကိုဗစ်ကြောင့် ရောင်းအားကျခြင်းနှင့် ပြည်တွင်းပြည်ပ ဈေးကွက်ထဲ နိုင်ငံတကာမှ ကားထုတ်လုပ်သူများအကြားပြိုင်ဆိုင်မှုများကြောင့် သေးငယ်သော ကားလုပ်ငန်းများသည် ပြန်လည်ဖွဲ့စည်းရခြင်းနှင့် ဒေဝါလီခံရခြင်းများ ဖြစ်ပေါ်လိမ့်မည်ဟု ဆိုသည်။

ယခုနှစ်တွင် Geely က ယခုလို Lifan ကို ဝယ်ယူခြင်းကြောင့် Lifan ဆက်လက် ရပ်တည်နိုင်မည် ဖြစ်ပေရာ Lifan ၏ ယာဉ်ထုတ်လုပ်ငန်းတည်ရှိသော ချောင်ကင်းဒေသ၏စီးပွားရေးကိုအထောက်အကူပြုလိမ့်မည်ဖြစ်ပြီး အလုပ်အကိုင် အခွင့်အလမ်းများလည်း ရှိနေစေမည် ဖြစ်သည်။

အလုပ်အကိုင်အခွင့်အလမ်းနှင့်အစိုးရ၏ ဦး စားပေးမှုအရ Lifan သို့ Geely ၏ဝင်ရောက်စွက်ဖက်မှုသည် ၎င်းသည်အကြွေးတင်နေသောကုမ္ပဏီသည်အဓိကအလုပ်ရှင်နှင့်အခွန်ထမ်းဖြစ်သည်။

Lifan ကုမ္ပဏီသည် ကြွေးမြီများကို ရှယ်ယာများ အပါအဝင် ပိုင်ဆိုင်မှုများ ထုခွဲရောင်းချခြင်း၊ အကြွေးကို ပိုင်ဆိုင်မှုဖြင့် ဖလှယ်ပြီး ပေးဆပ်ခြင်းများ ဆောင်ရွက်နေသည်။

Lifan ၏ကြွေးမြီမှာ ယမန်နှစ်ဇွန်လတွင် ၃၁ ဘီလီယံ (ဒေါ်လာ ၄.၄ ဘီလီယံ) ရှိပြီး ၆၀% မှာတစ်နှစ်အတွင်းပေးဆပ်ရမည့် အကြွေးများ ဖြစ်သည်။ ပိုင်ဆိုင်မှုမှာ ယွမ် ၄၁.၅ ဘီလီယံ ရှိသည်။ ၂၀၁၇ နှစ်ကုန်တွင် ၎င်း၏လက်ကျန်ငွေမှာ ယွမ် ၃.၁ ဘီလီယံ ရှိခဲ့သော်လည်း ယခုအခါ ယွမ်သန်း ၃၇၀ ရှိသည်။

ဘဏ် ၂၅ ခုမှ ချေးငွေ စုစုပေါင်း ၁၂.၆ ဘီလီယံ ရှိရာ Lifan လက်ထဲတွင် ယွမ်သန်း ၄၅၀ သာကျန်ရှိသည်။

Lifan ကို အရဲစွန့်လုပ်ငန်းရှင် Yin Mingshan က ၁၉၉၂ တွင် မော်တော်ဆိုင်ကယ်ထုတ်လုပ်သည့်လုပ်ငန်းအဖြစ် စတင်တည်ထောင်ခဲ့ပြီး ပထမဆုံးကားကို ၂၀၀၆ ခုနှစ်တွင် ထုတ်လုပ်ခဲ့သည်။ Lifan 520 တံခါးလေးပေါက် sedan ကားများကို ရုရှားသို့ တင်ပို့နိုင်ခဲ့သည်။ သို့သော်

Geely ကဲ့သို့သော ကားလုပ်ငန်းကြီးများ၏ အစွန်းထွက်ပမာဏမျှသာ ဖြစ်သည်။

၂၀၁၈ ခုနှစ်တွင် အစိုးရထံ ယွမ် ၄ ဘီလီယံနီးပါးတန်ဖိုးရှိသည့်မြေများကို ရောင်းချခဲ့ပြီး Lifan Motors က လျှပ်စစ်မော်တော်ယာဉ် (EV) ထုတ်လုပ်သည့် Li Auto ကို ထူထောင်ခဲ့သည်။

ဝယ်ယူမှု ပြီးစီးပြီးသည့်အခါ Geely သည် ၎င်း၏ EV လုပ်ငန်းမှ ထုတ်လုပ်မှု၏ တစ်စိတ်တစ်ပိုင်းကို Lifan သို့ ပြောင်းရွှေ့ထုတ်လုပ် ရန်စီစဉ်ထားသည်။

ရိုက်တာ