စင်ကာပူတွင် စက်သုံးဆီ လက်လီရောင်းဈေး တစ်လီတာ S$3  အောက်သို့ ကျဆင်း

စင်ကာပူတွင် စက်သုံးဆီ လက်လီရောင်းဈေး တစ်လီတာ S$3  အောက်သို့ ကျဆင်း

စင်ကာပူမှာ မတ်လ ၁၇ ရက် ကြာသပတေးနေ့ နံနက်မှာ အမေရိကန်မှ ရေနံလုပ်ငန်းကြီး Esso ရဲ့ လက်လီအရောင်းဆိုင်များမှာ ဓာတ်ဆီဈေးနှုန်း တစ်လီတာ ၃ စင်ကာပူဒေါ်လာ (S$3)အောက်သို့ လျှော့ချ ခဲ့ပါတယ်။
ရေနံစိမ်းဈေး ပြန်ကျဆင်းနေတာကြောင့် Esso က ဓာတ်ဆီ ၁ လီတာ ရောင်းဈေးကို ၁၀ စင့် လျှော့ချလိုက်တာဖြစ်ပြီး 92-octane ဓာတ်ဆီ ၁ လီတာကို S$2.95 ဖြင့် လည်းကောင်း၊ 98-octane ဓာတ်ဆီ ၁ လီတာကို S$2.99 ဖြင့်လည်းကောင်း ရောင်းချပါတယ်။
တစ်ပတ်တာအတွင်း ပထမဆုံးအကြိမ်အဖြစ် S$3 အောက် ရောက်ရှိခဲ့တာ ဖြစ်ပါတယ်။
မွန်းလွဲပိုင်းမှာ Shell နှင့်  Caltex တို့ကလည်း Esso နည်းတူ ဓာတ်ဆီလက်လီရောင်းဈေးနှုန်းမှာ တစ်လီတာကို ၁၀ စင့် လျှော့ချပေးခဲ့ပါတယ်။ ဒီဇယ်ဆီကို ၁၅ စင့် လျှော့ချပေးပါတယ်။ ကျန်တဲ့ စက်သုံးဆီ လက်လီ‌အရောင်းဆိုင်လုပ်ငန်း SPC နှင့် Sinopec တို့က ညနေ ၆ နာရီအထိ ယခင်ဈေးနှုန်းများဖြင့်သာ ဆက်လက်ရောင်းချနေဆဲ ဖြစ်ပါတယ်လို့ straitstimes.com ရဲ့ သတင်းမှာ ဖော်ပြထားပါတယ်။
Brent ရေနံစိမ်း စံဈေးနှုန်း တစ်စည် အမေရိကန်ဒေါ်လာ ၁၀၀ အောက် နှစ်ရက်ဆက်တိုက် ရောက်ရှိနေပြီး ရေနံအရောင်းအဝယ် လေ့လာစောင့်ကြည့်သူတို့က များများစားစား ဈေးကျဖွယ် မရှိဘူးလို့ သုံးသပ်ကြပါတယ်။ ‌လတ်တ‌ေလာမှာ အမေရိကန်ဒေါ်လာ ၁၀၀ ပတ်လည်မှာ ဆက်ရှိနေမယ်လို့ ဆိုပါတယ်။