McLaren ကားများအနက် အမြန်ဆုံးဖြစ်သည့် Speedtail မိုဒယ်ကို ၁ဝ၆ စီးသာ ရောင်းချ

ဗြိတိသျှပြိုင်ကားကုမ္ပဏီ Mc-Laren က ထုတ်လုပ်မည့် Hyper GT ကားအမျိုးအစား Speedtail မိုဒယ်မှာ ဗြိတိန်ပေါင်စတာလင် ၂ ဒသမ ၁ သန်းအထိ ဈေးနှုန်းရှိသော်လည်း ကြိုတင်မှာယူသူ များသဖြင့် အရောင်းချထားပြီးဖြစ်ကြောင်း Daily Mail သတင်းဌာနက ရေးသားဖော်ပြခဲ့ပါတယ်။

၁၉၉၀ ပြည့်လွန်နှစ်များက McLaren F1 ပြိုင်ကား ပုံစံအတိုင်း ထုတ်လုပ်မည့် Speedtail သည် 4.0L Twin-turbo V8 အင်ဂျင်ကို လျှပ်စစ်မိုတာများနှင့် တွဲဖက်အသုံးပြုထားသည့် Petrol-electric Hybrid System ကြောင့် မြင်းကောင်ရေ ၁,၀၃၅ ကောင်အားအထိ ထုတ်ပေး နိုင်ပြီး သုညမိုင်မှ တစ်နာရီလျှင် ၁၈၆ မိုင် အရှိန်နှုန်းရရန် အချိန် ၁၂ ဒသမ ၈ စက္ကန့်သာ ကြာမြင့်သည်။

အမြင့်ဆုံး တစ်နာရီ မိုင် ၂၅၀ နှုန်း မောင်းနိုင်သောကြောင့် McLaren ထုတ် လူစီးကားများအနက် အမြန်ဆုံး ဖြစ်လာမည်ဟု သိရပါတယ်။ McLaren Speedtail ကားတွင် စုစုပေါင်း ထိုင်ခုံသုံးခုံသာပါရှိကာ မောင်းသူထိုင်ခုံမှာ ဂျက်တိုက်လေယာဉ်ခေါင်းခန်းကဲ့သို့ အလယ်တွင်ရှိပြီး ဘေးဘက်နောက်ကြည့်မှန်များအစား မြင်ကွင်းကျယ်ကင်မရာများ တပ်ဆင် ထားသည်။

ရှေ့ဘီးခွေများတွင် လေစီးဆင်းမှုကောင်းရန် Fixed-cover ပါပြီး ဝယ်သူတောင်းဆိုပါက ထို Fixed- cover ကို ဖြုတ်ပေးသွားမည်ဖြစ်မှာ ဖြစ်ပါတယ်။ ထို့ပြင် ကားရှေ့စက်ဖုံးအောက်တွင် ခရီးသည်သုံးဦး၏ အဝတ အိတ်များထည့်ရန် နေရာဖန်တီးပေးထားသည်။

McLaren Speedtail ကားမိုဒယ်ကို စုစုပေါင်း ၁၀၆ စီးသာ ထုတ်လုပ်သွားမည်ဖြစ်ကာ တစ် လျှင် အခွန်ဆောင်ပြီး ဗြိတိန်ပေါင်စတာလင် ၂ ဒသမ ၁ သန်း ကျ ၊ မည်ဖြစ်သည်။ McLaren Speedtall ကို လာမည့် ၂၀၁၉ ခုမှ နှစ်ကုန်ပိုင်းတွင်မှ စတင် ထုတ်လုပ်သွားမည်ဟု သိရသည်။