အင်ဒိုနီးရှားမှာ ထုတ်လုပ်တဲ့ Stargazer MPV
တောင်ကိုရီးယား မော်တော်ကားထုတ်လုပ်ရေးကုမ္ပဏီကြီး Hyundai က Stargazer MPV အသစ်ကို မိတ်ဆက်ခဲ့ပါတယ်။
မိတ်ဆက်တဲ့ ကြေညာချက်ကို ပြီးခဲ့သော သီတင်းပတ်တွင် အင်ဒိုနီးရှားမှ PT Hyundai Motors Indonesia (HMID) က ထုတ်ပြန်ခဲ့ပါတယ်။ PT Hyundai Motors Indonesia (HMID) ဟာ Hyundai Motor Company ရာနှုန်းပြည့် ပိုင်ဆိုင်သော လက်အောက်ခံ ကုမ္ပဏီခွဲတစ်ခု ဖြစ်ပါတယ်။
အင်ဒိုနီးရှားဈေးကွက်ကို ရည်ရွယ်ပြီး ဒီဇိုင်းထုတ်ထားတဲ့ Stargazer က အင်ဒိုနီးရှားရဲ့ လမ်းအခြေအနေများနှင့် အဆင်ပြေစေဖို့ ဗိုက်ကို မြှင့်ပေးထားပါတယ်။
၁၅ လက်မ အလျွိုင်ခွေ အသုံးပြုပေးထားပါတယ်။ ၁၆ လက်မ အရွယ်အစားကိုလည်း ရွေးချယ်နိုင်အောင် စစီစဉ်ပေးထားပါတယ်။
ကားနောက်မီးကို Hyundai ရဲ့ H ကို ပုံဖော်ပေးထားတဲ့ LED မီးအစင်းကြောင်း ပါပါတယ်။ ကားမီးကို မြင်တာနဲ့ Hyundai ရဲ့ MPV ဆိုတာ တန်းသိနိုင်စေပါတယ်။
Stargazer ကို ၆ ယောက်စီး နှင့် ၇ ယောက်စီး ရွေးစရာ ၂မျိုး စီစဉ်ပေးထားပါတယ်။
၆ ယောက်စီး ဆိုရင် ဒုတိယ ထိုင်ခုံတန်းမှာ လက်တင်တန်း ပါပါတယ်။
အလယ်တန်းမှာ ခေါက်စားပွဲတွေ တပ်ပေးထားပြီး ခွက်ထည့်ဖို့နေရာ မိုဘိုင်းဖုန်း ထားဖို့ နေရာတွ စားပွဲမှာ စီစဉ်ပေးထားပါတယ်။
Rear Cross-traffic Collision-avoidance Assist (RCCA)
Blind-spot Collision Warning (BCW)
Blind-spot Collision-avoidance Assist (BCA)
အစရှိတဲ့ ယာဉ်မောင်းထောက်ကူစနစ်များ ထည့်ပေးထားပါတယ်။
1.5-litre four-cylinder အင်ဂျင် သုံးထားပြီး 115 horsepower အထိ ထုတ်ပေးနိုင်ပါတယ်။ ရုန်းအား 144 Nm အထိ ရပါတယ်။
ဂီယာက လက်ထိုး ၆ ချက် သို့မဟုတ် Hyundai ရဲ့ Intelligent Variable Transmission (IVT) နှစ်သက်ရာကို ရွေးချယ်နိုင်ပါတယ်။
Hyundai-Kia K2 ချာစီပေါ်မှာ ထိုင်ထားတာ ဖြစ်လို့ Hyundai Venue, Kia Seltos, Kia Sonet တို့နှင့် ချာစီ တူပါတယ်။
အခြေခံ မော်ဒယ်မှာ ရှေ့ဆုံးတန်းအတွက် လေအိတ် ၂ အိတ် တပ်ပေးထားတယ်။ ပရိုင်းမော်ဒယ်မှာ လေအိတ် ၆ လုံး တပ်ဆင်ပေးထားပါတယ်။
ဖုန်းအားသွင်းဖို့ ကြိုးမဲ့အားသွင်းစနစ်နှင့် USB ကြိုးဖြင့် အားသွင်းစနစ် ၂ မျိုး ပါဝင်ပါတယ်။
ရောင်းဈေး အင်ဒိုနီးရှား ရူပီယာ 243,300,000 (USD 16280)မှ စတင်ပါတယ်။
ပစ္စည်းစုံ အပြည့်ပါ Prime model က အင်ဒိုနီးရှား ရူပီယာ 309,600,000 (USD 20,715) ဖြစ်ပါတယ်။
#MyanmarAutomobileGuide
Telegram Channel https://t.me/Guid4U
Source: Motorist