တောင်ကိုရီးယားတွင် ယာဉ်လုပ်ငန်း ၇ ခုက ဆော့ဖ်ဝဲချို့ယွင်းချက်ကြောင်း ကား ၁၂,၀၀၀ စီး ပြန်ခေါ်ယူ

တောင်ကိုရီးယားတွင် ယာဉ်လုပ်ငန်း ၇ ခုက ဆော့ဖ်ဝဲချို့ယွင်းချက်ကြောင်း ကား ၁၂,၀၀၀ စီး ပြန်ခေါ်ယူ

Mercedes-Benz နှင့် ယာဉ်လုပ်ငန်း ၆ ခုတို့က ဆော့ဖ်ဝဲချို့ယွင်းချက် ပြုပြင်ပေးရန် ကားစီးရေ ၁၂,၀၀၀ နီးပါးကို ပြန်ခေါ်ယူထားကြောင်း တောင်ကိုရီးယား မြေရာ၊ အခြေခံအတောက်အအုံနှင့် ပို့ဆောင်ရေးဝန်ကြီးဌာနက မေလ ၁၂ ရက် ကြာသပတေးနေ့တွင် ထုတ်ပြန်ကြေညာသည်။
  

Mercedes-Benz Korea က 580 4MATIC အပါအဝင် မော်ဒယ် ၈ မျိုး ကားစီးရေ ၇,၅၉၈ ကို  မီးအချက်ပြဆိုင်ရာ ချို့ယွင်းချက်များ ဆော့ဖ်ဝဲလ်တွင် ရှိနေသဖြင့် ပြုပြင်ပေးရန် ပြန်ခေါ်ယူသည်။ 
 
Toyota Motor Korea က မော်ဒယ် ၂ မျိုး စီးရေ ၁,၇၈၉ ကို ဘရိတ်ထိန်းချုပ်မှုဆိုင်ရာ ချို့ယွင်းချက်များ  ဆော့ဖ်ဝဲလ်တွင် ရှိနေသဖြင့် ပြုပြင်ပေးရန် ပြန်ခေါ်ယူမည် ဖြစ်သည်။

ပြန်လည်ခေါ်ယူပြီး ချို့ယွင်းချက် ကင်းအောင် ပြုပြင်ပေးသည်ကို ဝန်ကြီးဌာနက သုံးသပ်မည်ဖြစ်ပြီး Toyota Motor Korea ကုိ ဒဏ်ကြေးပေးဆောင်ခိုင်းရန် အစီအစဉ် ရှိသည်ဟု ဝန်ကြီးဌာနက ပြောကြားသည်။

Tesla Korea က Model 3 စီးရေ ၁,၂၅၄ ကို လည်းကောင်း၊ Stellantis Korea က Jeep Grand Cherokee ၈၁၄ စီးကို လည်းကောင်းကို ပြန်ခေါ်ယူပြီး ဘေးကင်းရေးဆိုင်ရာ ချို့ယွင်းချက်များ ဆော့ဖ်ဝဲလ်တွင် ပါနေသည်ကို ပြုပြင်ပေးမည် ဖြစ်သည်။

 BMW Korea က မော်ဒယ် ၄ မျိုးတွင် လေအိတ်ထိန်းချုပ်စနစ်တွင် ဆော့ဖ်ဝဲလ် ပြဿနာများ တွေ့သဖြင့် ၃၂၈ စီး ပြန်ခေါ်ယူပြီး ပြုပြင်ပေးမည် ဖြစ်သည်။ 

Volkswagen Group Korea ကလည်း Bentley Bentayga V8 ၁၅၁ စီးကို ဘေးကင်းရေးဆိုင်ရာ ကိစ္စရပ်များအတွက် ပြုပြင်ပေးရန် ပြန်ခေါ်ယူမည်။ 

Bike Korea က Triumph Speed Triple 1200RS အပါအဝင် မော်တော်ဆိုင်ကယ် မော်ဒယ် ၂ မျိုး ၂၄ စီး ကို ဘရိတ်ပိုင်းဆိုင်ရာ ချို့ယွင်းချက် ရှိနေသဖြင့် ပြန်လည်ခေါ်ယူပြီး ပြုပြင်ပေးမည်။ 

ကုမ္ပဏီများက ယာဉ်ပိုင်ရှင်များထံ ဆက်သွယ် အကြောင်းကြားမည် ဖြစ်ရာ အီးမေးလ်နှင့် ဖုန်းသို့ စာတို ပေးပို့မည် ဖြစ်သည်။
ပြုပြင်ထိန်းသိမ်းမှုများ နှင့် ပစ္စည်းဖိုး လက်ခ အားလုံး အခမဲ့ ဖြစ်သည်ဟု ဝန်ကြီးဌာန၏ ကြေညာချက်တွင် ဖော်ပြထားသည်။