၂၀၂၃- ၂ဝ၂၄ ခုနှစ်၊ ဘဏ္ဍာရေးနှစ် ကုန်ဆုံးချိန်တွင် ကနဦးမှတ်ပုံတင်လုပ်ငန်း ငွေခန်းပိတ်ချိန်နှင့် ပတ်သက်၍ ကုန်းလမ်းပို့ဆောင်ရေး ညွှန်ကြားမှု ဦးစီးဌာနမှ အသိပေးချက် ထုတ်ပြန် ကြေညာထားသည်။
ဘဏ္ဍာရေးနှစ် ကုန်ဆုံးသည့် မတ်လတွင် နှစ်ချုပ်စာရင်း လုပ်ငန်းများ ဆောင်ရွက်ရန်နှင့် ဘဏ်စာရင်းနှင့် ဌာနစာရင်း ကိုက်ညီမှု ရှိစေရေးအတွက် ကနဦးမှတ်ပုံတင်ခြင်းဆိုင်ရာ မှတ်ပုံတင်အခငွေများကို PO၊ ဘဏ်ငွေသွင်း ချလန်ဖြင့် လက်ခံ ဆောင်ရွက်ခြင်းအား ယခု မတ်လ (၂၂) ရက်ထိသာ လက်ခံ ဆောင်ရွက်ပေးမည် ဖြစ်သည်။
လုပ်ငန်းဆောင်ရွက်သူများ အဆင်ပြေမှု ရှိစေရန်အတွက် မတ်လ (၂၅) ရက်မှ မတ်လ (၂၉) ရက်နေ့ နေ့လည် (၁၂) နာရီအထိ ငွေသားဖြင့် လက်ခံ ဆောင်ရွက်ပေးမည် ဖြစ်ကြောင်း သိရသည်။
လာမည့် ဧပြီလ (၁) ရက်နေ့မှစ၍ ကနဦးယာဉ်မှတ်ပုံတင်ခများ ပေးသွင်းခြင်းအား PO နှင့် ဘဏ်ငွေသွင်းချလန်တို့ဖြင့် ပြန်လည် လက်ခံ ဆောင်ရွက်ပေးသွားမည် ဖြစ်သည်။
ကုန်းလမ်းပို့ဆောင်ရေး ညွှန်ကြားမှုဦးစီးဌာန၊ ကနဦးမှတ်ပုံတင်လုပ်ငန်း ငွေခန်းများအား…