စက်သုံးဆီ သုံးစွဲတဲ့ ပစ်ကပ်တွေကို ကြိုက်နေကြတုန်းပါပဲ 

စက်သုံးဆီ သုံးစွဲတဲ့ ပစ်ကပ်တွေကို ကြိုက်နေကြတုန်းပါပဲ 

TO GET INSTANT UPDATE 
Join Telegram Channel
https://t.me/Guid4U

ဗုဒ္ဓဟူးနေ့တွင် ထိုင်းနိုင်ငံတွင် 2023 Bangkok International Motor Show ကို  စတင်ကျင်းပစဉ် ထိုင်းနိုင်ငံတွင် လျှပ်စစ်ကားများ  ရောင်းအားကောင်းဖို့ ကမ္ဘာ့ကားထုတ်လုပ်သူများ မျှော်လင့်နေကြသည်။

ကုမ္ပဏီအများစုသည် ထိုင်းနိုင်ငံတွင် အီးဗီများကို ပြည်တွင်းနှင့်ပြည်ပ ဈေးကွက်နှစ်ခုလုံးအတွက်  ထိုင်းနိုင်ငံတွင် တပ်ဆင်ထုတ်လုပ်ရန် ဆန္ဒရှိကြသည်။

Isuzu အမှတ်တံဆိပ် ဂျပန်ကားများကို ထိုင်းပြည်တွင်းဖြန့်ဖြူးသူ Tri Petch Isuzu က ၎င်း၏ မိခင်ကုမ္ပဏီသည် ထိုင်းနိုင်ငံတွင် အီးဗီ ထုတ်လုပ်မှုတွင် ရင်းနှီးမြှုပ်နှံပြီး ဥရောပသို့ မော်တော်ယာဉ်များကို တင်ပို့ရန် စီစဉ်နေကြောင်း ပြောကြားခဲ့သည်။

လျှပ်စစ်ပစ်ကပ်များကို အဓိကအာရုံစိုက်ထားကြောင်း၊  မကြာသေးမီက Isuzu သည်  ဂျပန်နိုင်ငံတွင် D-Max ဘက်ထရီသုံးအီးဗီများ ထုတ်လုပ်ခဲ့ကြောင်း Tri Petch Isuzu ဥက္ကဋ္ဌ Takashi Hata က ပြောကြားခဲ့သည်။

“ဥရောပမှာ ဝယ်လိုအား တိုးလာတာနဲ့အမျှ ထိုင်းနိုင်ငံကို ကျွန်တော်တို့ရဲ့ အီးဗီဘက်ထရီ ထုတ်လုပ်မှု အခြေစိုက်စခန်းအဖြစ် အသုံးပြုသွားမှာပါ" ဟု ၎င်းက ပြောကြားသည်။

ယမန်နှစ်တွင် Isuzu သည် ထိုင်းပြည်တွင်းပစ်ကပ်ဈေးကွက်တွင် အကြီးဆုံးစျေးကွက်ဝေစု ၄၅.၂% ကို ပိုင်ဆိုင်ထားပြီး  အစီးရေ ၁၇၅,၄၂၅ ရောင်းချနိုင်ခဲ့သည်။ ကုမ္ပဏီ၏ နှစ်ပေါင်း ၄၀ အတွင်း ရောင်းအား အမြင့်မားဆုံး စံချိန်သစ် ဖြစ်သည်။
"ထိုင်းနိုင်ငံမှာတော့ လူတွေက စက်သုံးဆီ သုံးစွဲတဲ့ ပစ်ကပ်တွေကို ကြိုက်နေကြတုန်းပါပဲ" ဟု ၎င်းက ပြောကြားသည်။

ဧရာမ ကားထုတ်လုပ်ငန်းကြီး Toyota သည် ထိုင်းနိုင်ငံတွင် အီးဗီများကို  ထုတ်လုပ်ရောင်းချရန် ချင့်ချိန်လျက် ရှိသည်။

Toyota Motor Thailand ၏ ဥက္ကဋ္ဌ Noriaki Yamashita က ကုမ္ပဏီသည် ထိုင်းတွင် EV များ တပ်ဆင်ရန် စီစဉ်နေကြောင်း၊ လျှပ်စစ် Toyota Hilux ကို ထုတ်လုပ်မည်ဖြစ်ကြောင်း ပြောကြားခဲ့သည်။ ထိုင်းနိုင်ငံသည် ဒေသတွင်း ကြီးမားသော အီးဗီစျေးကွက်တစ်ခုအဖြစ် ဖွံ့ဖြိုးတိုးတက်လာနိုင်သည်ဟု သူက ဆိုသည်။
“Toyota က ထိုင်းနိုင်ငံမှာ အီးဗီ ကားထုတ်လုပ်ရေးစက်ရုံမှာ ရင်းနှီးမြှုပ်နှံဖို့ စိတ်ဝင်စားနေပါတယ်။ ဒါပေမဲ့ ကုမ္ပဏီအနေနဲ့ အီးဗီကားဝယ်လိုအား သိသိသာသာ တိုးလာဖို့ အရင်စောင့်ရပါမယ်" ဟု ၎င်းက ပြောကြားသည်။

အီဗီစက်မှုလုပ်ငန်းကို မြှင့်တင်ရန် ရှင်းလင်းသော အစိုးရမူဝါဒသည် မျိုးဆက်သစ်ကားများ ကြီးထွားမှုကို တွန်းအားပေးသည့် အရေးကြီးသောအချက်ဖြစ်လိမ့်မည်ဟု ထိုင်းနိုင်ငံတွင် Audi ကားများကို တရားဝင်တင်သွင်းသူနှင့် ဖြန့်ဖြူးသူ Meister Technik ၏ အမှုဆောင်အရာရှိချုပ်နှင့် ဒါရိုက်တာ Grisnagorn Sawettanan က ပြောကြားသည်။
ကုမ္ပဏီသည် ကားပြပွဲတွင် Audi RS e-tron GT နှင့် A4 အီးဗီမော်ဒယ် နှစ်မျိုးကို ပြသထားသည်။

Nonthaburi ပြည်နယ် Impact Muang Thong Thani မှ Challenger Halls တွင် (၄၄) ကြိမ်မြောက် ကျင်းပသည့် Bangkok International Motor Show ကို  ဧပြီလ ၂ ရက်အထိ ၁၂ ရက်ကြာ ကျင်းပမည် ဖြစ်သည်။

Source Bangkokpost 
TO GET INSTANT UPDATE 
Join Telegram Channel
https://t.me/Guid4U