Tesla အပါအဝင် တရုတ်ပြည်ဖြစ် ကားများ အရည်အသွေးအဆင့်များ

Tesla အပါအဝင် တရုတ်ပြည်ဖြစ် ကားများ အရည်အသွေးအဆင့်များ

TO GET INSTANT UPDATE 
Join Telegram Channel
https://t.me/Guid4U

တရုတ်မော်တော်ယာဉ်အရည်အသွေးကွန်ရက် Chinese Automobile Quality Network မှ ၂၀၂၂ ခုနှစ်အတွက် တရုတ်ပြည်တွင်းမှာ ထုတ်လုပ်သည့် ကား brand များအတွက် အရည်အသွေးအဆင့် စာရင်း 2022 Brand Quality Ranking ကို ထုတ်ပြန်ပါသည်။
လျှပ်စစ်မော်တော်ယာဉ် brand များအတွက်လည်း အလားတူ အရည်အသွေးအဆင့် စာရင်းကို ၂၀၂၂ အတွက် ထုတ်ပြန်ပါသည်။

အဆိုပါ လေ့လာမှုသည် တရုတ်နိုင်ငံရှိ မော်တော်ယာဥ် အရည်အသွေးဆိုင်ရာ တိုင်ကြားမှုများအပေါ် စျေးကွက် ထိန်းကျောင်းကြပ်မတ်ရေးအတွက် နိုင်ငံတော်အဆင့်မှ ကမကထပြုသော  စောင့်ကြည့်ရေး တရားဝင် ပလက်ဖောင်းမှ အချက်အလက်များကို စုဆောင်းပြီး ဆန်းစစ်၍ အဆင့်အတန်း သတ်မှတ်ပါသည်။
 State Administration for Market Regulation သည် ၂၀၂၂ ခုနှစ်မှာ မော်တော်ယာဉ်များတွင် ပါလာသည့် ချို့ယွင်းချက်များအတွက် တိုင်ကြားမှု စုစုပေါင်း ၃၅,၈၉၆ ခု ရရှိခဲ့ပါသည်။ 
၎င်းတိုင်ကြားချက်များကို ဆန်းစစ်ပြီး ကားများကို ပြန်လည်ခေါ်ယူပြီး ပြုပြင်ပေးရန် ၂၀၄ ကြိမ် စေခိုင်းခဲ့ပြီး ကားစုစုပေါင်း ၄.၄၈ သန်း ပြန်လည်ခေါ်ယူပြီး ပြုပြင်ပေးခဲ့ကြပါသည်။ 

၂၀၂၂ ခုနှစ်တွင် တိုင်ကြားချက်များ၏ ၃၀.၇ ရာခိုင်နှုန်းသည်  အင်ဂျင်ပိုင်းဆိုင်ရာ ချို့ယွင်းချက် ပါနေခြင်း ဖြစ်ပါသည်။  လျှပ်စစ်ပိုင်းဆိုင်ရာ ချို့ယွင်းချက် ပါလာခြင်းကို တိုင်းကြားချက်များက ၂၃.၃ ရာခိုင်နှုန်း၊ ကိုယ်ထည်ဘော်ဒီမှာ ချို့ယွင်းချက် ပါနေခြင်းကို တိုင်းကြားချက်များက ၁၈.၁ ရာခိုင်နှုန်း၊ မောင်းနှင်မှုဆိုင်နှင့် ပတ်သက်သော တိုင်းကြားချက်များက ၁၂.၅ ရာခိုင်နှုန်း ဖြစ်ပါသည်။ 

ပလပ်ထိုး ဟိုက်ဘရစ်၊ လျှပ်စစ်မော်တော်ယာဉ်များ အကျုံးဝင်သည့် စွမ်းအင်သစ်ယာဉ်များအတွက် တိုင်ကြားချက်များ ၄,၃၀၀ ဝန်းကျင် ရှိခဲ့ပြီး ၄၁.၉ ရာခိုင်နှုန်းသည် ဘက်ထရီ၊ လျှပ်စစ်မော်တော်၊ ထိန်းချုပ်စနစ်တို့တွင် ပြဿနာများ ချို့ယွင်းချက်များ ရှိနေခြင်းကို တိုင်ကြားကြခြင်း ဖြစ်ပါသည်။ 

အင်ဂျင်ကားများ 

အင်ဂျင်ကားများအတွက် စာရင်းတွင် brand ၆၂ ခု ပါဝင်ပါသည်။ 

Chinese Automobile Quality Network ၏ ရမှတ် သတ်မှတ်ပုံအရ တိုင်ကြားမှုများ များလျှင် Score  ရမှတ်ပိုများပါသည်။ Score နည်းလျှင် အရည်အသွေး အဆင့် ပိုမြင့်မားပါသည်။ 
Dongfeng Honda က ၁၃၁ မှတ်ဖြင့် ထိပ်ဆုံးမှာ ရှိပါသည်။
ဒုတိယနေရာတွင်  ရမှတ် ၁၄၄ ဖြင့် အမှတ်တူနေသည့် brand ၃ ခုကို တွေ့ရပါသည်။  Volkswagen ၏ Jetta ၊ GAC Mitsubishi နှင့်  Volvo တို့ ဖြစ်ပါသည်။ 

ရမှတ်အများဆုံး ၂၃၂ ဖြင့် အောက်ဆုံးမှာ ရှိနေသည်မှာ SAIC Skoda ဖြစ်ပါသည်။ ချက်နိုင်ငံမှ brand ဖြစ်သော Skoda သည် ဖက်စပ်လုပ်ငန်းဖြင့် ထုတ်လုပ်သောကားများ ဖြစ်ပါသည်။ 

အင်ဂျင်ကားများအတွက် ပျမ်းမျှရမှတ်မှာ AVERAGE SCORE ၁၇၈ ဖြစ်ပါသည်။ 

လျှပ်စစ်ကားများ
လျှပ်စစ်ကားများအတွက် စာရင်းတွင်  brand ၆၂ ခု ပါဝင်ပါသည်။ 

 Source CAQN

TO GET INSTANT UPDATE 
Join Telegram Channel
https://t.me/Guid4U