၁၉၆၄ ခုနှစ်ထုတ်လုပ်တဲ့ ဂန္ထဝင် American Ford Galaxie တံခါးနှစ်ပေါက်ကား၊ ယာစတီယာရင် ကို စင်ကာပူမှာ ရောင်းဖို့ စင်ကာပူဒေါ်လာ ၁၄၈,၀၀၀ ဖြင့် ဈေးခေါ်ထားပါတယ်။
စင်ကာပူမှာ မော်တော်ယာဉ် မှတ်ပုံတင်ခဲ့တဲ့ ရက်စွဲက ၁၉၆၄ ခုနှစ် ဇန်နဝါရီလ ၁ ရက် ဖြစ်ပါတယ်။ ကျယ်ကျယ်ဝန်းဝန်း ရှည်ရှည်လျားလျားကားရဲ့ ပုံတွေကို Facebook မှာ တင်ပြပေးထားပါတယ်။
Galaxie 500 XL ရဲ့ အရွယ်အစားကို သာမန်ပုံမှန်ကားတွေထက် ၃၀% ပိုကြီးမားတယ်။
1.3-litre Honda Fit ရဲ့ အလျားက ၃.၉ မီတာ၊ အကျယ် ၁.၇ မီတာ ရှိပါတယ်။
Galaxie 500 XL က အလျား ၅.၃ မီတာ၊ အကျယ် ၂.၁ မီတာ ရှိပါတယ်။ မီနီဘတ်စ်တစ်စီးစာလောက် နေရာယူပါတယ်။
Toyota Alphard က အလျား ၅ မီတာ၊ အကျယ် ၁.၉ မီတာ ရှိပါတယ်။ ဒီတော့ Galaxie 500 XL က Toyota Alphard ထက်လည်း ပိုကြီးမားပါတယ်။
Ford Galaxie မှာ 5.8-litre အင်ဂျင်ထိုင်ပေးထားပြီး ဆီစားသက်သာဖို့ ထည့်မစဉ်းစားထားဘူး။ အဲဒီ ခေတ်အခါက ရေနံစိမ်း ဈေးတက်တဲ့ အကျပ်အတည်း မပေါ်ပေါက်သေးလို့ ဆီစား သက်သာဖို့ကို ထည့်မစဉ်းစားကြဘူး။ ဒီတော့ ဆီအုပ်မှာ သေချာတယ်။
Ford ရဲ့ ထိပ်တန်းမော်ဒယ် အရွယ်ပြည့် ကားတွေကို Galaxie လို့ အမည်တပ်ပြီး ရောင်းချခဲ့တယ်။ XL က "Xtra Lively" ကို ဆိုလိုပါတယ်။ extra larger ကို မဆိုလိုပါဘူး။
ဓာတ်ပုံတွေထဲမှာ ပြသထားတာ ကားအတွင်းပိုင်းကလည်း ကျေနပ်စရာ အလွန်ကောင်းပါတယ်။