Rules and Regulations



လိုက်ထရက်ကားများတွင် လူတင်ဆောင်လျှင်အရေးယူပါသလား

လိုက်ထရက်ကားများတွင် လူတင်ဆောင်လျှင်အရေးယူပါသလား google

ဒီမေးခွန်းကို အတော်များများမေးနေကြပါတယ်။ လိုက်ထရက်ကား နောက်မှာလူတင်လျှင် အရေးယူသလားဆရာတဲ့ ထပ်ဖြည့်မေးပေးပါအုံးမယ်ဗျာ ဟိုက်ဂျက်ကားမှာရောလူတင်ရင်အရေးယူပါသလား။ လိုက်ထရက် ဟိုက်ဂျက်ကားတို့နဲ့ဘုရားဖူးထွက်ခဲ့ရင် အရေးယူပါသလားလို့။

 

တကယ်တော့ လိုက်ထရက် ဟိုက်ဂျက်ကားတွေဟာ မူလထုတ်လုပ်ကတည်းက ပစ္စည်းသယ်ယူယာဉ်အနေနဲ့ပဲထုတ်လုပ်ခဲ့တာပါ။ လူစီယာဉ်မဟုတ်ပါဘူး။ ကားရှေ့ခန်းမှာ ယာဉ်မောင်းနဲ့အခြားတစ်ယောက် ပေါင်းနှစ်ယောက်အတွက်နေရာပါရှိပါတယ် နောက်မှာတော့ ပစ္စည်းတင်ဖို့ဟာလာပြင်ပါ။ ဒါကယာဉ်ရဲ့တည်ဆောက်ပုံနဲ့အနေအထားကိုပြောပြတာပါ။

 

ဒီတော့ ဒါဆို နောက်ခန်းမှာလူတင်လို့မရဘူးလားလို့မေးလာခဲ့ရင် ကျွန်တော်တို့မြန်မာနိုင်ငံမှာ နေရာအနှံ့ မြို့ရော တောပါ ဒီလိုပဲလူတင်ပြီးသွားလာနေကြပါတယ်။ တစ်နေရာနဲ့တစ်နေရာ အုပ်စုလိုက်စုပြီး နောက်ခန်းမှာစီးသွားကြတယ။် ဘုရားဖူးထွက်တဲ့အခါ အဲ့ဒီလိုက်ထရက် ဟိုက်ဂျက်ကားတွေကို စုငှားပြီးသွားကြတယ်။ အလှူလှည့်တဲ့အခါမှာလည်း လိုက်ထရက် ဟိုက်ဂျက်နဲ့ နောက်ဆုံး အသုဘချသွားတဲ့အခါမှာတောင် ဒီလိုပဲ တစုတဝေးနဲ့ လိုက်ထရက်ကားနောက်မှာစီးလို့သွားကြတယ်။

 

ဥပဒေအရ လူစီးယာဉ်မဟုတ်သော်ငြားလည်း ဒီနေ့အချိန်ထိ ကျွန်တော်ရှိတဲ့နေပြည်တော်မှာ လိုက်ထရက် ဟိုက်ဂျက်ကားနောက်မှာလူစီးလို့ဆိုပြီး ဖမ်းစီးအရေးယူတာမရှိပါဘူး။ ရန်ကုန် မန္တလေးစတဲ့မြို့ကြီးတွေမှာလည်း အရေးယူတယ်လို့မကြားမိသေးပါဘူး။ ဟိုတလောက fb မှာတက်လာတဲ့လိုက်ထရက်လူတင်လို့ဆိုတာကို အတည်မယူပါနဲ့ ယနေ့အချိန်ထိ အရေးယူတာမရှိပါဘူး။ ကျွန်တော်ပြောပြီးပါပြီ ဘုရားသွားသွား အသုဘပဲပို့ပို့ ဒီလိုပဲသွားလာတင်ဆောင်လုပ်ကိုင်နေကြရပါတယ်။ လိုက်ထရက် ဟိုက်ဂျက်ကားပိုင်ရှင်များ စိတ်လွတ်လပ်စွာ ကုသိုလ်ပြုပါခင်ဗျာ။

 

(မှတ်ချက်။ စီးပွားရေးအတွက် လုပ်ငန်းလုပ်သူတို့ ပစ္စည်သယ်ယူပို့ဆောင်တာကတော့ သက်ဆိုင်ရာလုပ်ငန်းလိုင်စင်ပါရှိရပါ့မယ်)

 

(ယာဉ်/လမ်း စည်းကမ်းများနှင့် သိလိုသည်များကို messenger မှမေးမြန်းကြရာဝယ် မေးမြန်းကြသူတွေဟာ တစ်ရက်ကို ၅၀ နဲ့ ၁၀၀ ကြားမှာရှိတာမို့ နောက်ကျပြီးမှ ဖြေပေးခဲ့ရင် နားလည်ပေးပါခင်ဗျ ည ၁၁ နာရီနောက်ပိုင်းဟာ အနားယူချိန်မို့ အဲ့အချိန်မေးမြန်းခြင်းသီးခံပါဗျ အမေးအဖြေတွေကို တာဝန်တစ်ရပ်ကဲ့သို့ မဖြစ်မနေ အချိန်ရတာနဲ့ ဖြေပေးသွားမှာပါခင်ဗျ)

 

Credit; ဒုရဲအုပ်ဌေးလွင်(ခ)နေမျိုးသူရ

Read times
Rate this item
(3 votes)