History



ရာဇ၀င်တွင်တဲ့ Toyota Land Cruiser

ရာဇ၀င်တွင်တဲ့ Toyota Land Cruiser google

ဒုတိယကမ္ဘာစစ် ပြီးဆုံးသွားပြီးသောအခါ တိုယိုတာသည် မော်တော်ယာဉ်အမျိုးမျိုးကို မဟာဗျူဟာကျကျ ထုတ်လုပ်ပြီး မဟာဗျူဟာကျကျ ရောင်းချခဲ့ရာ ကမ္ဘာ့အကြီးမားဆုံး မော်တော်ယာဉ် ထုတ်လုပ်သည့် လုပ်ငန်းကြီးတစ်ခုအဖြစ်သို့ ရောက်ရှိသွားခဲ့သည်မှာ အများသိပြီးသား ဖြစ်သည်။

 

တိုိုယိုတာမှာ မွေးထုတ်လုပ်သော မော်တော်ယာဉ်များတွင် off-road လမ်းကြမ်းမောင်းရန် ရည်ရွယ်သော အကြမ်းခံ မော်တော်ယာဉ် အမျိုးအစား ဖြစ်သော Land Cruiser သည် off-road အမျိုးအစား၌ သရဖူဆောင်းပြီး ဘုရင်အဖြစ်သို့ ရောက်ရှိခဲ့သည်။ ကမ္ဘာ့နေရာ အနှံ့အပြား တောရောမြို့ပါမကျန် Toyota အမှတ်တံဆိပ် မော်တော်ယာဉ်ကို မြင်ရတွေ့ရသည့် အဖြစ်သို့ ပထမဆုံးရောက်ရှိစေခဲ့သော ကားလည်း ဖြစ်သည်။ တိုယိုတာကားများ၏ ဂုဏ်ရည် သုံးမျိုး ဖြစ်သော အရည်အသွေး quality ၊ တာရှည်ခံခြင်း durability နှင့် ယုံကြည်စိတ်ချ အားကိုးထိုက်ခြင်း reliability တို့ကို လူအများတို့ လက်ခံပြီး ယုံကြည်မှု ရရှိစေခဲ့သော ကားလည်း ဖြစ်သည်။ ထို ဂုဏ်ရည် သုံးမျိုးအပြင် အင်ဂျင် အရွယ်အစားချင်း တူပါက တိုယိုတာက ဆီစား ပိုသက်သာသည်ဟူသော နာမည်ကောင်းကိုလည်း ရရှိစေခဲ့ပေသေးသည်။

 

တောင့်တင်းခိုင်မာသော Land Cruiser ကို ထုတ်လုပ်ခဲ့သည့် သမိုင်းကြောင်းသည် ယခုအခါ နှစ်ပေါင်း ၆၀ ကျော်ခဲ့ပေပြီ။ ကမ္ဘာတစ်လွှားတွင် Land Cruiser စီးရေ ၁၀ သန်းကျော်ကို ရောင်းချခဲ့ရပြီးပြီ ဖြစ်သည်။

Land Cruiser ၏ ကိုယ်ရေးရာဇ၀င် မူလသည် Toyota Jeep BJ ဖြင့် စတင်ခဲ့သည်။

 

Toyota01.jpg

 

 

 

Toyota Jeep BJ

 

တိုယိုတာက လမ်းကြမ်းမောင်းရန် အကြမ်းပတမ်းသုံးဖို့ Toyota Jeep BJ ကို ၁၉၅၁ ခုနှစ်မှ ၁၉၅၅ ခုနှစ်အထိ ထုတ်လုပ်ခဲ့သည်။

 

ထုတ်လုပ်ဖို့ အကြောင်းပေါ်ပေါက်ခဲ့သည်မှာ ကိုရီးယား ပြည်တွင်းစစ်အတွင်း စစ်သုံးဂျစ်ကား လိုအပ်သဖြင့် ဖြည့်ဆည်းရန် ဒီဇိုင်းထုတ်ပြီး ကားများ ထုတ်လုပ်ခဲ့သည်။ Toyota Jeep BJ မှ B သည် တိုယိုတာ၏ B-Series အင်ဂျင်ကို ဆိုလိုသည်။ J သည် Jeep ကို ဆိုလိုသည်။ ထိုအမည်တွင် ပြဿနာ ရှိနေသည်။ နာမည်ကျော် ၀ီလီဂျစ်ကားများ ထုတ်လုပ်သည့် Willys ကားလုပ်ငန်းက Jeep အမည်ကို ကုန်အမှတ်တံဆိပ်အဖြစ် ၁၉၅၄ ခုနှစ်တွင် မှတ်ပုံတင်လိုက်ရာ ထိုနောက်ပိုင်းတွင် Jeep အမည်ကို တိုယိုတာ သုံးစွဲပါက တရားတဘောင် ရင်ဆိုင်ရဖွယ် ရှိသွားသည်။ တိုယိုတာက အခြားအမည်တစ်ခုကို ရွေးချယ်ပြီး ကင်ပွန်းတပ်လိုက်သည်။ ထိုအမည်မှာ “Land Cruiser” ဟူ၍ ဖြစ်သည်။ အမည်ပြောင်းသော်လည်း မော်ဒယ်အမှတ်စဉ်ထိုးရာ၌ Jeep ကို ရည်ညွှန်းသော အတိုကောက်ဖြစ်သည့် J ကို ဆက်လက် သုံးစွဲသည်။ 20 Series Land Cruiser ကို J20 Land Cruiser ကို စစ်၊ ရဲ နှင့် မီးသတ်တို့တွင် ပုံမှန်အားဖြင့် အသုံးပြုလာကြသည်။ တိုယိုတာက ဒီဇိုင်းကို ပြုပြင်မွမ်းမံပြီး အရပ်ဖက်၌ စီးဖို့ အဆင်ပြေအောင် လုပ်ဆောင်ပြီး ထုတ်လုပ်ရောင်းချသည်။ ဤသို့ဖြင့် ၁၉၅၅ ခုနှစ်မှ ၁၉၆၀ အထိ 20 Series Land Cruiser တို့ကို ထုတ်လုပ် ရောင်းချသည်။ ကိုယ်ထည် ပိုတင့်တယ်သည်။ ယာဉ်အတွင်း နေရာပိုကျယ်သည်။ ယာဉ်အောက်ပိုင်းကို အိမ်စီးကားများကဲ့သို့ ဆောင့်ဒဏ် သက်သာအောင် လုပ်ပေးထားသည်။ ရှေ့ဘီးနှင့် နောက်ဘီးတို့အတွက် ၀င်ရိုးနှစ်ခုကြား အကွာအဝေး ဖြစ်သော wheelbase ကို ပိုတိုအောင် လုပ်ပေးထားခြင်းဖြင့် အချိုးအကွေ့များ ကောင်းအောင်လည်း လုပ်ပေးထားသည်။

 

Toyota02.jpg

 

 

တိုယိုတာသည် Land Cruiser ကို ကျည်လုံကားများအဖြစ်လည်း F-Series ဖြင့် ထုတ်လုပ်ခဲ့သည်။ ထိုမော်ဒယ်ကို ၁၉၉၂ ခုနှစ်အထိ သိသိသာသာ ပြောင်းလဲခြင်း မရှိဘဲ ထုတ်လုပ်ခဲ့သည်။

 

မှတ်တမ်းတင်ရသည့် အချက်တစ်ချက်မှာ 20 Series Land Cruiser တို့ကို အမေရိကန်ပြည်ထောင်စုသို့ ပြည်ပပို့ကုန်အဖြစ် အရင်ဆုံး တင်ပို့ရောင်းချနိုင်ခဲ့ခြင်းဖြစ်သည်။ Toyopet Crown ဆီဒင်ကားများနှင့်အတူ တင်ပို့ ရောင်းချခဲ့ခြင်း ဖြစ်သည်။

 

 

The Legendary 40 Series

 

ဤမော်ဒယ်ကို ၁၉၆၀ ခုနစ်မှ ၁၉၈၄ ခုနှစ်အထိ ထုတ်လုပ်ရောင်းချခဲ့သည်။ အကယ်စင်စစ် တိုယိုတာသည် လက်ရှိ ထုတ်လုပ်နေသည့် 20 Series Land Cruiser တို့ကို Legendary 40 Series Land Cruiser ဖြင့် အစားထိုး ထုတ်လုပ်ရောင်းချခဲ့ခြင်း ဖြစ်သည်။ Legendary 40 Series ကို FJ40 Land Cruiser ဟူသောအမည်ဖြင့်လည်း သိကြသည်။ Jeep CJ နှင့် မူရင်းမူလ Land Rover တို့နည်းတူ လမ်းမရှိသော နေရာများတွင် မောင်းနှင်နိုင်ရန် ဒီဇိုင်းထုတ်ထားသည်။ တံခါး နှစ်ပေါက်ကား ဖြစ်သည်။ နောက်ဘက်တွင် ဂျစ်ကားထိုင်ခုံ ပုံစံကို အသုံးပြုထားသည်။ တောလမ်းနှင့် လမ်းကြမ်း မောင်းဖို့ ဒီဇိုင်းထုတ်ထားခြင်း ဖြစ်ပေရာ စီးသူတို့အဖို့ ဇိမ်ကျကျ မဖြစ်ပေ။

 

Toyota03.jpg

 

၁၉၇၀ ပြည့်နှစ်လွန်တွင် အဆင့်မြှင့်တင်မှု အမျိုးမျိုး လုပ်ကိုင်ပေးခဲ့သည်။ FJ40 Land Cruiser ကို ဓာတ်ဆီအင်ဂျင်ဖြင့်သာ ထုတ်လုပ်နေခဲ့ရာမှ ၁၉၇၄ ခုနှစ်တွင် ဒီဇယ်အင်ဂျင်ဖြင့်လည်း စတင်ထုတ်လုပ်ခဲ့သည်။ manual ဂီယာ လေးချက်ဖြင့် ထုတ်လုပ်ခြင်းကိုလည်း ၁၉၇၄ ခုနှစ်တွင် စတင်ခဲ့သည်။ ၁၉၇၅ ခုနှစ်တွင် အင်ဂျင်အရွယ်အစား ပိုကြီးပေးထားသော မော်ဒယ်တစ်မျိုးကို ထုတ်လုပ်ခဲ့ရာ 4.2-liter အင်ဂျင် တပ်ဆင်ပေးထားသည်။ ၁၉၇၆ ခုနှစ်တွင် disc brake ကို စတင်အသုံးပြုခဲ့သည်။ ၁၉၇၉ ခုနှစ်တွင် power steering ဖြင့် ထုတ်လုပ်သည်။ ၁၉၇၉ ခုနှစ်တွင် လေအေးစက်ပါသော FJ40 Land Cruiser များကို ထုတ်လုပ်ခဲ့သည်။ ၁၉၈၄ ခုနှစ်တွင် လက်ထိုးဂီယာ ၅ ချက် ဖြင့် ထုတ်လုပ်ခဲ့သည်။

 

FJ40 Land Cruiser သည် off-roader ကားများအကြားတွင် အဆင့်ရှိသော ကားအဖြစ် နေရာရသည်။ လိုက်ပါစီးနင်းသူတို့ သက်သောင့်သက်သာ ရှိရေးကို ဒီဇိုင်းတွင် ထည့်စဉ်းစားထားခြင်း မရှိသေးချေ။ အင်ဂျင်သည် ကြာကြာခံသည်ဟုသော နာမည်ကောင်းကို ရရှိသည်။ သို့သော် အင်ဂျင်ကြီးကြီး ကြိုက်ကြသူတို့က General Motors V8 ဆလင်ဒါ ရှစ်လုံးထိုး အင်ဂျင်ကို အလုံးလိုက် လဲလှယ်တပ်ဆင်ပြီး စီးကြသည်။

 

 

50 Series

 

၁၉၆၇ ခုနှစ်မှ ၁၉၈၀ ခုနှစ်အထိ 50 Series Land Cruiser များကို ထုတ်လုပ်ခဲ့ရာ တံခါးလေးပေါက်ပါသည်။ FJ55 ဟုလည်း သိကြသည့် မော်ဒယ် ဖြစ်သည်။ အမေရိကန်မှ ကားဝါသနာအိုးတို့က 50 Series Land Cruiser ရှေ့ပိုင်းမျက်နှာကျနှင့် ကိုယ်လုံးကိုယ်ထည်သည် ၀က်နှင့် တူသည်ဟု ခိုင်းနှိုင်းပြီး သံဝက် Iron Pig ဟု အမည်ပြောင် ပေးထားကြသည်။

 

Toyota04.jpg

 

 

ဤမော်ဒယ်၏ အားနည်းချက်မှာ ကိုယ်ထည်သံသားသည် သံချေးတက် မြန်ခြင်း ဖြစ်သည်။ အိမ်သုံးကားအဖြစ် မိသားစု စီးရန် အဆင်ပြေသည်။

 

 

60 Series

 

၁၉၈၀ ခုနှစ်မှ ၁၉၉၀ ခုနှစ်အထိ 60 Series Land Cruiser များကို ထုတ်လုပ်ခဲ့သည်။ လမ်းကြမ်း သုံးရန်ထက် အိမ်စီးကား မိသားစု စီးရန် စတိုင်လ်ထုတ်ထားသည်။ အတွင်းပိုင်းကို ပြေပြစ်ပြီး ထိုင်စီးသူ သက်သောင့်သက်သာ ရှိရန် ဒီဇိုင်း ထုတ်ထားသည်။ တံခါး ၄ ပေါက် ပါသည်။ off-road မောင်းနှင်နိုင်သည့် အရည်အသွေး အပြည့်ပါဝင်ပြီး လေအေးစက်၊ ပါဝါ၀င်းဒိုးတို့ ပါသည်။

 

Toyota05.jpg

 

အမျိုးအစား နှစ်မျိုး ထုတ်လုပ်ခဲ့သည်။ F အမှတ်စဉ် ထိုးသည့် အင်ဂျင်ကို သုံးထားသော FJ60 ကို ၁၉၈၀ ခုနှစ်မှ ၁၉၈၇ ခုနှစ်အထိ လည်းကောင်း၊ FJ62 ကို ၁၉၈၈ ခုနှစ်မှ ၁၉၉၀ ခုနှစ်အထိ လည်းကောင်း ထုတ်လုပ်ခဲ့ပြီး FJ62 တွင် four-speed manual ဂီယာစနစ်အစား four-speed အော်တိုဂီယာကို သုံးစွဲထားသည်။ ရှေ့မီးကြီး မီးခွက်တို့ကို လေးထောင်နှစ်ခုတွဲအစား အ၀ိုင်းကို သုံးစွဲထားသည်။ သို့ဖြစ်ရာ မျက်နှာပေါက် မူသစ်အဖြစ် မွမ်းမံထားခြင်း ဖြစ်သည်။ FJ60 ကို ဂီယာ ၅ ချက်ဖြင့်လည်း ထုတ်လုပ်ပေးခဲ့သည်။

 

60 Series Land Cruisers သည် တာရှည်ခံသည့်ကားများ ဖြစ်သည်။ ဂရုတစိုက်ရှိသော 60 Series Land Cruisers များသည် မိုင်သောင်းချီအောင် မောင်းထားသော်လည်း ကောင်းနေဆဲ ဖြစ်သည်ကို တွေ့ရသည်။ သက်တမ်း ၃၅ နှစ်ရှိပြီး မိုင်ပေါင်း သုံးသိန်းနီးပါး မောင်းထားပြီးသည့် 60 Series Land Cruisers တစ်စီးကို ရှေးကားဟောင်း ချစ်သည့် ၀ါသနာအိုးတို့အကြား ဈေးခေါ်ပြီး အွန်လိုင်း လေလံတင်ခဲ့ရာ အမေရိကန်ဒေါ်လာ နှစ်သောင်းနီးပါးဖြင့် အရောင်းအ၀ယ် တည့်သွားသည်ကို သတင်းတစ်ပုဒ်တွင် ဖော်ပြထားသည်။

https://gearpatrol.com/2019/09/23/vintage-toyota-land-cruiser-fj60-auction/

 

80 Series

 

80 Series Land Cruiser များကို ၁၉၉၀ ခုနှစ်မှ ၁၉၉၇ ခုနှစ်အထိ ထုတ်လုပ်ခဲ့သည်။ FJ62 ကို အစားထိုး ထုတ်လုပ်ခြင်းဖြစ်ပြီး အိမ်စီးကား မိသားစု အတူစီးရန် ဦးတည်ချက်ဖြင့် ထုတ်လုပ်သည်။ 80 Series သည် 80 Series ထက် အရွယ်အစား ပိုကြီးမားသည်။ အလျား ၅ လက်မ ပိုရှည်ထားသည်။ အကျယ်ကိုလည်း ၅ လက်မ ပိုကျယ်ထားသည်။ ယာဉ်အလေးချိန်သည် ပေါင် ၆၀၀ ပိုလေးလံသည်။ ကိုယ်ထည် စတိုင်လ်မှာ ၁၉၉၀ ပြည့်လွန်နှစ်များတွင် ရေပန်းစားသည့် အချိုးမျိုးကို ချိုးပေးထားသည်။

 

Toyota06.jpg

 

J80 ကို အိမ်သုံးအဖြစ် ထုတ်လုပ်သော်လည်း off-road စွမ်းရည် မြင့်မားသည်။ လေးဘီးယက်ဖြင့် အချိန်ပြည့် တောက်လျှောက် မောင်း၍ ရသည်။ ရှော့ဘားတွင် ကွိုင်စပရိန် ထည့်ပေးထားသည်။ တိုယိုတာသည် မက္ကဆီကိုနိုင်ငံတွင် လူအများဆောင်းကြသည့် ကောက်ရိုးဦးထုပ် sombrero ကောက်ကြောင်းပုံနှင့် ဆင်ဆင်တူသော လိုဂိုကို ဆက်လက်မသုံးစွဲရန် ၁၉၉၅ ခုနှစ်တွင် ဆုံးဖြတ်ခဲ့ပြီး ရှေ့ရှဲလ်တွင် TOYOTA ဟု စာလုံးကြီးထူထူ block cap ဖြင့် အမည်အပြည့်အစုံကို ဖော်ပြစေခြင်းကို ပြန်လည်သုံးစွဲခဲ့သည်။

 

J100 Series

 

Toyota07.jpg

 

၁၉၉၈ ခုနှစ်မှ ၂၀၀၇ ခုနှစ်အထိ J100 Series ကို ထုတ်လုပ်ခဲ့သည်။ ရှေ့ဘီးများနှင့် နောက်ဘီးများအကြား ၀င်ရိုးတံဖြင့် ချိတ်ဆက်ပြီး မောင်းနှင်စေသည့်ဒီဇိုင်းကို စွန့်လွှန်လိုက်သည်။ တစ်နည်း ဆိုရသော် ရှေ့ဘီးများနှင့် နောက်ဘီးများ တသီးတခြားစီ ဖြစ်သွားသည်။ ရှေ့ဘီးကို အိမ်စီးကားများအတိုင်း ရှေ့ယက်သက်သက် ဒီဇိုင်းကို သုံးစွဲထားသဖြင့် off-road စွမ်းရည် အနည်းငယ် လျော့သည်။ ယခင် အိပ်စ်ဇဲ ပုံစံဟောင်းဖြင့် J105 မော်ဒယ်ကို ထုတ်လုပ်သော်လည်း အရေအတွက် မများချေ။ J100 Series ကို V8 အင်ဂျင်ဖြင့်လည်း ထုတ်လုပ်သည်။ Land Cruiser သမိုင်းကြောင်းတွင် V8 အင်ဂျင်ကို ပထမဆုံး အသုံးပြုခဲ့ခြင်း ဖြစ်သည်။

၁၉၉၀ ခုနှစ်မှ ယခုအထိ Land Cruiser Prado ကို သီးခြား လိုင်းတစ်လိုင်းအဖြစ် ထုတ်လုပ်လျက် ရှိသည်။

 

 

J200 Series

 

 

၂၀၀၇ ခုနှစ်မှာ စတင်ထုတ်လုပ်ခဲ့ပြီး ယခုအထိ ထုတ်လုပ်ဆဲ ဖြစ်သည်။ off-road မော်တော်ယာဉ်ဟု ဆိုနိုင်သော်လည်း ဇိမ်ခံကား luxury အမျိုးအစားအဖြစ် ဦးတည်ထုတ်လုပ်ထားသည်။ အိမ်စီးကား မိသားစုစီးရန် ထုတ်လုပ်သည့် ကားဈေးကွက်ကို ဦးတည်ထားခြင်း ဖြစ်သည်။ Lexus LX 570 ဟုလည်း ခေါ်ဝေါ်ကြသည်။ 2020 Land Cruiser သည် ယာဉ်အလေးချိန် 5,815 ပေါင် ရှိသဖြင့် အလေးလံဆုံး အိမ်စီးကားဟု ဆိုနိုင်သည်။ ရောင်းဈေးမှာ အမေရိကန်ဒေါ်လာ ကိုးသောင်း ဖြစ်သည်။ သို့ဖြစ်ရာ ဈေးကြီးနေသည်။

 

အိမ်စီးကား မိသားစုစီးရန် ဇိမ်ခံကားအဖြစ် ထုတ်လုပ်ထားသော်လည်း off-road နည်းပညာပိုင်းတွင် ကုန်းရုန်းယက်မောင်းရသောအခါ ထိန်းကျောင်းမှု crawl control ၊ တောင်ကုန်းဆင်း ထိန်းကျောင်းမှု hill descent control အစရှိသည်တို့ ထည့်ပေးထားသည်။

 

Toyota08.jpg

 

တိုယိုတာသည် Land Cruiser ကို ထုတ်လုပ်ခဲ့သည်မှာ ကြာမြင့်ခဲ့ပြီ ဖြစ်သည်။ သို့ဖြစ်ရာ 2020 Land Cruiser သည် နောက်ဘိတ်ဆုံး ထုတ်လုပ်သည့် Land Cruiser မော်ဒယ်ဖြစ်လိမ့်မယ်။ နောက်ထပ့်် Land Cruiser မော်ဒယ် ထုတ်လုပ်တော့မည်မဟုတ်ဟု သတင်းများ ထွက်ပေါ်နေပေသည်။

 

 

Myanmar Automobile Equipment Directory

Read times
Rate this item
(1 Vote)