USA



ဈေးနှုန်းသင့်တော်သည့် GM ၏နောက်ဆုံးပေါ် SUV အသေးစား

ဈေးနှုန်းသင့်တော်သည့် GM ၏နောက်ဆုံးပေါ် SUV အသေးစား google

အမေရိကန် General Motors ကုမ္ပဏီမှထုတ်လုပ်သည့် SUV ကားအများစုမှာဈေးနှုန်းအတော့်ကို ကြီးမြင့်သောကြောင့်

အချို့ဝယ်ယူသူများမှာကားဘရမ်းကို ကြိုက်နှစ်သက်ပေသော်လည်းဈေးနှုန်းကြောင့် အလှမ်းဝေးနေခဲ့ရပါသည်။

ထိုကြောင့် GM မှတရုတ်ကုမ္ပဏီ SAIC နှင့် ပူးပေါင်းပြီးဈေးနှုန်း ဒေါ်လာ 8000 အောက်ဖြင့်ရောင်းချသွားမည့် အသေးစား SUV တစ်စီးကိုဖန်တီးချပြလိုက်ပါသည်။

အဓိကအားဖြင့်တရုတ်ဈေးကွက်ကြီးအတွက်ရည်ရွယ်ဖြန်တီးလိုက်ခြင်းဖြစ်ပြီး ပြိုင်ဘက်များဖြစ်သည့် Buick Encore (Opel overseas) ,Cadillac XT3 စသည့်ကားများနှင့်ယှဉ်ပြိုင်ရောင်းချသွားရန်ရည်ရွယ်ထုတ်လုပ် လိုက်ခြင်းဖြစ်ပါသည်။

 

***သင်စိတ်ဝင်စားနိုင်သောရန်ကုန်ကားဈေးကွက်တွင်လူကြိုက်များနေသောHonda CR-V***

Baojun 510 ဟုအမည်ပေးထားပြီး ကျစ်လှစ်သေးသွယ်ခန့်ညားလှသည့် SUV တစ်စီးဖြစ်ကာပြီးခဲ့တဲ့ Guangzhou Motor Show တွင်ပြသခဲ့ရာအထူးလူကြိုက်များခဲ့သည့်ကားတစ်စီးလည်းဖြစ်ပါသည်။

ယခုအရောင်းပြခန်းများဆီတွင်စတင်ရောင်းချလျက်ရှိပြီးဈေးနှုန်းမှာ အနိမ့်ဆုံးယွမ်ငွေ 54800 (ဒေါ်လာ 8000) သာရှိသည့်အဆင့်မြင့် SUV အသေးစားလေးဖြစ်ပါသည်။
ကိရိယာအစုံအလင်နှင့်အဆင့်မြင့်ဆုံးဂရိတ်များတွင်ယွမ် 69800 (ဒေါ်လာ 10000 ခန့်)ဈေးရှိပါသည်။

Generation သုံးဆက်မြောက် Chevrolet Sail ကားကိုအခြေခံဖန်တီးလိုက်ခြင်းဖြစ်ပြီး 1.5 လီတာ ဆလင်ဒါလေးလုံးထိုးအင်ဂျင်တပ်ဆင်ထားပါသည်။ 
ခြောက်ချက်ထိုး Manual ဂီယာဖြင့်တွဲဖက်ထားပြီး Auto ဂီယာဖြင့်တော့မထုတ်ထားကြောင်းသိရသည်။
နည်းပညာပေါင်းစပ်ပါဝင်မှုတွင်Panoramic sunroof,  automatic air-con,remote keyless entry, push-button ingnition,cruise control, နောက်ကြည့်မှန် အပူပေးစနစ်, 8 လက်မ LCD screen တို့တွဲဖက် ပါရှိသွားမည့်အပြင်အဆင့်မြင့် လုံခြုံရေးစနစ်ဖြစ်တဲ့ stability Control (ESC) ၊ရှေ့/ဘေး airbag ၊
tyre pressure monitoring sysem တို့ပါပေါင်းစပ်ပေးသွားမည့်စုံလင်လှသည့်အသေးစား SUV ကားကောင်းတစ်စီးဖြစ်ပါသည်။

Read times
Rate this item
(2 votes)